ژ یا مایی بگه‌رێن

سالح زێباری

ئه‌ڤ كاودانێن كو نها كوردستان تێدا كه‌س هیڤیا پێ‌ ناخازیت و ل دیروكێ‌ دا جار و باران دووباره‌ دبیت، لێ‌ ئه‌و جارا ریدان ب ڤی شێوازی دووباره‌ دبن ئه‌و ده‌من كو گه‌لێ‌ كورد ل خه‌ونا نیزیك بویه‌. ئه‌گه‌ر هه‌ڤكێشێ‌ ل عیراقێ‌ بو هه‌ڤسوو و وه‌لاتێن نێڤده‌وله‌تی روون بكه‌ین. دێ‌ بینن كو عیراقه‌ك بۆ به‌رژه‌وه‌ندیێن برێتانیا دروست بوویه‌ ل سالا 1921 هه‌تا ئیرۆ شیعه‌ و سوننه‌ نه‌به‌س ل ڤان هه‌شتێ‌ سالان دا دوژمنن، به‌لكی دوژمنێن هزار و چوار سه‌د سالی نه‌ و هه‌تا رۆژ ل رۆژ ئاڤایێ‌ د هه‌لێت ئه‌ڤ خویندارییه‌ هه‌ر دێ‌ مینیت. دوژمناتی و دژایه‌تیا كورد و كوردستانێ‌ شیعه‌ و سوننه‌ و دگه‌ل توركمان ب مه‌زهه‌بێن خوه‌ڤه‌ ل بن ره‌شماله‌كێ‌ كومكرینه‌ و ل ڤی هوكاریی خوه‌ مروڤاتیی ژی وان كومناكه‌ت.  وه‌لاتێن ده‌ڤه‌رێ‌ تایبه‌ت توركیا و ئیران كو ل چه‌رخێن ناڤین وه‌ره‌ هه‌ڤركی و ئالوزی و دوژمناتی ل گه‌ل ئێك هه‌نه‌ و ده‌هان شه‌رێن خوینا وی ژی ل دژی هه‌ڤدوو كرینه‌، ئه‌ڤرۆ دوژمناتیا كوردان ئه‌و هه‌ردو وه‌لات ژی كومكرینه‌ و ل سه‌ر ئێك مێز دانوستانێ‌ دكه‌ن. ده‌مێ‌ كوردان خوه‌ ژ چیایا دای و ب تاكه‌ دوست هژمارتی ل بوشاییه‌كێ‌ نه‌هاتیه‌، ل ڤان كاودانێن شازدێ‌ ئوكتوبه‌رێ‌ و دیڤدا و ئه‌و هێرشا حه‌شدا شه‌عبی بو سه‌ر كوردستانێ‌، چ وه‌لاته‌ك ب وی شێوازی نه‌ ئاخفت كو ژ ئالیێ‌ سیاسی و دبلوماسی و هه‌تا ل دانوستاندنان ژی بێته‌ وه‌به‌رهێنان به‌رامبه‌ر عیراقا تائیفی و مه‌زهه‌بی .به‌لێ‌ ریدان د له‌زن و نها شه‌رق و غه‌رب گرنگی و پێگه‌هێ‌ كوردستانێ‌ به‌رامبه‌ر وه‌حشیگه‌ریا ڤان هێزان نزانن.و ده‌مه‌ك نیزیك به‌رسڤا هه‌می ئالیان ژ كارێن وان دێ‌ ده‌ركه‌ڤیت.  وێنه‌ یێ‌ دیاره‌ و چ نافخۆ و چ هه‌ڤسوو و نێڤده‌وله‌تی د به‌رژه‌وه‌ندیا مه‌ دا نینه‌ و هه‌می دوژمن ل دژی مه‌ بووینه‌ ئێك و هه‌تا نها پرانیا ئالیێن كوردستانی ل جهێ‌ ژێك كۆمبوونێ‌ كو هه‌می جیهانی چ تان بیت و چ سیاسه‌ت داخاز دكه‌ن كورد ئێك رێز بن. لێره‌ دا پرسیار ئه‌وه‌ كو دوو نه‌ته‌وه‌ و مه‌زهه‌ب و ده‌وله‌تێن جودا ژێك دوورن، یان دوو و سێ‌ حزبێن كوردی كو ل سه‌ر هنده‌ك میكانیزیمان ل گه‌ل ئێك نینه‌؟  لێره‌دا ئه‌گه‌ر ل ئه‌لیف و بایێن سیاسی تنێ‌ بزانین كو حزب ئاله‌ڤه‌كه‌ بۆ پاراستن و خزمه‌تكرن و پێشڤه‌برنا وه‌لاتی ل پێشبركێ‌ یه‌ كا سیاسی و هه‌لبژارتنان دا بۆ گه‌هشتن ب ده‌سه‌لاتێ‌.  لێره‌ دا فه‌ره‌ ب پرسین نها چ فه‌ره‌ بكه‌ین؟ دیتنا من ژ یامایی بگه‌رێین، باشترین چاره‌سه‌ره‌.ژ به‌ركو هه‌رچی چێ‌ بۆ چوو و بوویه‌ پشكه‌ك نه‌ژبیركری د دیرۆكێ‌ دا و دێ‌ ئێته‌ نڤیسین و هه‌ر كه‌سه‌ك ل دادگه‌ها دیرۆكێ‌ دێ‌ مفایێ‌ خوه‌یێ‌ دروست وه‌رگریت.نابیت به‌س كارێ‌ مه‌ هه‌لكولینا برینان بیت و فه‌ره‌ ئه‌ڤ ریدانه‌ ببنه‌ عیبره‌ت بو مه‌ و وانا بو دیروكێ‌ ژێ‌ وه‌ربگرین .ب ژ ده‌ست دانا یا چویی و مانه‌ڤا ئه‌وا مایی، تاكێ‌ كورد دكه‌ڤیته‌ ناڤبه‌را دوو بژارده‌یان، ئه‌رێ‌ چ بكه‌ین؟ لێره‌دا فه‌ره‌ ژ بیرا هه‌ر كورده‌كێ‌ بیت كو ئه‌ڤ رویدانه‌ هندی دمه‌زن بن و كاره‌سات باربن ل سالا 1975 مه‌زنتر نین و ل ساله‌كێ‌ پشت دا كورد بوونه‌ هێزه‌ك كاریگه‌ر. ژ یا مایی بگه‌رێن داكو ژ ناڤنه‌چیت فه‌ره‌ ببیته‌ شیعاره‌ك بۆ هندێ‌ ب سیاسه‌ته‌ك و نه‌فه‌سه‌ك و كاره‌ك نوی و جدی ڤه‌ پێكولا ڤه‌گه‌راندنا یا چووی بكه‌ین. كو بدیتنا من فه‌ره‌ ڤان پێنگاڤان پاڤێژین:- هه‌ر پارته‌كا سیاسی ژ ئالیێ‌ خوه‌ ڤه‌ كار بكه‌ت كو باوه‌ریێ‌ بۆ كادرێ‌ خوه‌ بزڤرینیت. هه‌ولدانا هه‌می پارتێن سیاسی ل كوردستانێ‌ كو ل گه‌ل ئێك كۆمببن و زێده‌تر نه‌هێلن ناڤ مالا كوردی تێك بچیت. ئه‌ڤ راگه‌هاندنێن كو هه‌وێن شه‌ری دناڤ خه‌لكی دا بلاڤ دكه‌ن، فه‌ره‌ هه‌ست ب به‌رپرسیاریێ‌ بكه‌ن و وه‌لات ببیته‌ هێلا سۆر بۆ هه‌می ئالیه‌كێ‌. هه‌می ئالیێن سیاسی فه‌ره‌ بێ‌ جوداهی هاریكاریا حكومه‌تا هه‌رێما كوردستانێ‌ بكه‌ن ب سه‌رۆكاتیا به‌رێز نێچیرڤان بارزنی تایبه‌ت پشتی زێده‌بوونا ده‌سه‌لاتێن وی كو ل شیان دا هه‌یه‌ به‌لانسێ‌ بزڤرینیت و په‌یوه‌ندیان ل گه‌ل ده‌رڤه‌ بزڤرینیت و نافخۆ ل گه‌ل ئێك هه‌تا راده‌كێ‌ ئاشت بكه‌ت. فه‌ره‌ حكومه‌تا هه‌رێما كوردستانێ‌ ب نه‌فه‌سه‌ك و دیتنه‌ك جودا كار بكه‌ت و هه‌می پێكولان بكه‌ت كو پرۆسەیا چاكسازی و پاكسازی و ده‌وله‌تداری سه‌ربگریت و ئه‌و پرێسگرێكن رێكا پێشكه‌فتنا كوردستانێ‌ دا لابده‌ت. ژ به‌ركو خه‌لك ئیدی ل ژیانه‌ك خوه‌ش و ئارام دگه‌رێت و ل گه‌نده‌لی و نه‌دادیێ‌ توره‌یه‌.ل داویێ‌ فه‌ره‌ هه‌ر تاكه‌كێ‌ كورد باوه‌ری ب هندێ‌ هه‌بیت كو ئه‌ڤ كاودانه‌ نه‌ د سروشتی نه‌ و زیترین ده‌م دێ‌ ده‌رباز بن هه‌ر چه‌نده‌ زیانه‌ك مه‌زن هێلانه‌، ب چ ئاوایی نابیته‌ ئه‌گه‌رێ‌ بێ‌ هیڤی بوونا كوردان ل خه‌ونا دروستكرنا ده‌وله‌ته‌كا سه‌ربه‌خۆ. له‌وما فه‌ره‌ پارتی و ئێكه‌تی ل ئاستێ‌ به‌رپرسیاریێ‌ بن و رێكێ‌ نه‌ده‌ن ئه‌وا مایی ژی ب سیاسه‌تا عاتیفی یا چه‌ند ئه‌ندم و كادرێن خوه‌ ژ ده‌ست بده‌ن. فه‌ره‌ وه‌ك دوو ئالیێن ده‌سه‌لاتدار كار ل سه‌ر سه‌رئێخستنا حكومه‌تا هه‌رێما كوردستانێ‌ بكه‌ن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.