ژ ده‌ستپێكا خوه‌نیشاندانان 283 كه‌س هاتینه‌ كوشتن

ژ ده‌ستپێكا خوه‌نیشاندانان 283 كه‌س هاتینه‌ كوشتن

WAAR-دهۆك:

ژ ده‌ستپێكا خوه‌نیشاندانێن ئیراقێ دوسه‌د و هه‌شتێ و سێ كه‌س هاتینه‌ كوشتن و هه‌ژمارا برینداران ژ سێزده‌ هزار كه‌سان ده‌رباز بوویه‌.
كۆمسیۆنا مافێن مرۆڤی ل ئیراقێ د نووترین ئامار دا ئاشكرا كر؛ ژ ده‌ستپێكا پێلا خوه‌نیشاندانێن ئیراقێ كو ل ده‌ستپێكا مه‌ها چرییا ئێکێ یا ئه‌ڤ ساله‌ بوون، دوسه‌د و هه‌شتێ و سێ خوه‌نیشانده‌ر ل به‌غدا و پارێزگه‌هێن باشۆر و ناڤه‌راستا ئیراقێ هاتینه‌ كوشتن.
هه‌روه‌ها دیار كر؛ هه‌ژمارا بریندارا گه‌هشتییه‌ سێزده‌ هزار كه‌سان، ل ده‌مه‌كی هه‌ژماره‌كا ئێكجار زێده‌ ژی هاتییه‌ ده‌سته‌سه‌ركرن.
خوه‌نیشاندانێن ئیراقێ ل دویێ مه‌ها بۆری ده‌ست پێ كرینه‌ و پشتی سێ رۆژان هاتن راگرتن، لێ ژ بیست و پێنجی هه‌مان مه‌هێ هه‌تا نها به‌رده‌وامن، خوه‌نیشانده‌ران ل ده‌ستپێكێ داخوازا چاكسازییێ و نه‌هێلانا گه‌نده‌لییێ كرن، لێ نها ئه‌و رژدن حكومه‌ت بهێت هه‌لوه‌شاندن.

بابه‌تێن ب ڤێ مژارێ ڤه‌ گرێدای