ژنەکێ خوە ب سەرۆکا بۆلیڤیا دا نیاسین

ژنەکێ خوە ب سەرۆکا بۆلیڤیا دا نیاسین

WAAR-دهۆك:

بەرپرسەکا ئۆپۆزسیۆنا بۆلیڤیا پشتی دەستژکارکێشانا سەرۆکی، خوە ب سەرۆکا دەمکی یا وی وەلاتی دا نیاسین.
جانین ئەنیس، سەرکردەیا ئۆپۆزسیۆنا بۆلیڤیا شڤێدی ل جڤاتا پیران کۆمبوونەکا ب لەز ساز کر و تێدا ل ھەمبەر ئەندامێن جڤاتێ خوە ب سەرۆکا دەمکی یا بۆلیڤیا دا نیاسین پشتی کو ئیڤۆ مۆرالیس و جێگری وی، د ڤێ ھەفتیێ دا دەستژکار کێشایی و ڤالاھیا سیاسی ل وى وه‌لاتى دروست کری.
جانین ئەنیس یا پێنجی و دو سالی گۆت: ئەو دێ ب دەمکی کاروبارێن سەرۆکاتییێ ب رێڤە بەت و د دەمەکێ کورت دا دێ لژنەیا ھەلبژارتنان پێکئینیت داکو بەرھەڤییێن ھەلبژارتنێن بھێت بکەن و تاکو وی دەمی، ئەو دێ وەک سەرۆکا دەمکی یا بۆلیڤیا کار کەت.
مۆرالیس ل رۆژا ئێکشەمبیا بۆرى پشتی بیست رۆژێن خوەنیشاندانان بریارا دەسژکارکێشانێ دا و دوھی پشتی بریارا دەستەسەرکرنا وی دەرکەفتی، رەڤیە سنۆرێن مەکسیکێ.

بابه‌تێن ب ڤێ مژارێ ڤه‌ گرێدای