ژبه‌ر خوه‌نیشانده‌ران فرۆكخانه‌یا هۆنگ كۆنگ هات گرتن

ژبه‌ر خوه‌نیشانده‌ران فرۆكخانه‌یا هۆنگ كۆنگ هات گرتن

WAAR-دهۆك:

فرۆكخانه‌یا هه‌رێما هۆنگ كۆنگا چینی ژبه‌ر خوه‌نیشانده‌ران ئه‌ڤرۆ هه‌می گه‌شتێن خوه‌ هه‌لوه‌شاندن و كارێ خوه‌ راگرت.
ب هزاران خوه‌نیشانده‌ر چوونه‌ ناڤ فرۆكخانه‌یا هۆنگ كۆنگێ و به‌رده‌وامی دا نه‌رازیبوونا خوه‌ ل هه‌مبه‌ری ده‌ستهه‌لاتێ، رێڤه‌به‌ریا فرۆكخانێ ژی نه‌چار بوو هه‌می گه‌شتێن خوه‌ بهه‌لوه‌شینیت د ده‌مه‌كێ دا ب هۆنگ كۆنگ ناڤه‌نده‌كا بازرگانی یا جیهانیه‌.
وه‌زیرێ ڤه‌گۆهاستنا هۆنگ كۆنگ ژی راگه‌هاند، وێ پێنگاڤێ زیان ب ناڤێ وێ هه‌رێمێ و فرۆكخانێ گه‌هاندینه‌ و پێدڤیه‌ خوه‌نیشانده‌ر ده‌ركه‌ڤن دا سوبه‌هی گه‌شت ده‌ست پێ بكه‌نه‌ ڤه‌.
نێزیكی سێ مه‌هانه‌ ب ده‌هان هزار كه‌س خوه‌نیشاندانان دژی بریاره‌كا سه‌رۆكا وێ هه‌رێمێ دكه‌ن كو د به‌رژه‌وه‌ندیا چینێ دا یه‌، نها خوه‌نیشانده‌ران داخوازێن خوه‌ زێده‌ كرینه‌ و دخوازن سه‌رۆكا هه‌رێما وان ده‌ست ژ كار بكێشیت و ئازادیێن پتر ب وێ هه‌رێمێ بهێنه‌ دان.

بابه‌تێن ب ڤێ مژارێ ڤه‌ گرێدای