ژاپۆنێ ئارمانجێن گۆپیتكا جی20 دیار كرن

ژاپۆنێ ئارمانجێن گۆپیتكا جی20 دیار كرن

WAAR-دهۆك:

سه‌رۆكوه‌زیرێ ژاپۆنێ ئارمانجێن گۆپیتكا وه‌لاتێن جی بیست دیار كرن كو بریاره‌ ل بیست و هه‌شت بۆ بیست و نه‌هێ ڤێ مه‌هێ ل باژارێ ئۆساكا یێ ژاپۆنی بهێته‌ سازكرن.
شینزۆ ئابێ ئه‌ڤرۆ راگه‌هاند، گۆپیتكا جی بیست ڤێ جارێ چه‌ندین ئارمانج هه‌نه‌ و ئارمانجا سه‌ره‌كی بده‌ستخستنا رێككه‌فتنا گشتگیره‌ ل سه‌ر بازرگانییا ئازاد، ئه‌و ب هیڤی نه‌ سه‌رۆكێن ئه‌مریكا و چینێ ل سه‌ر ناكۆكیێن بازرگانی دا زال ببن.
ئاپی گۆت: پێشخستنا ئابۆرا جیهانێ ب رێیا داهێنانان و دامه‌زراندنا قانوونێن ئابۆرا دیحیتالی و ره‌وشا ژینگه‌هێ و بانگه‌شه‌كرنا پێشڤه‌برنا ژنێ و چه‌ندین مژارێن دی یێن جیهانی ئارمانج و بابه‌تێن گۆپیتكی نه‌.
هه‌روه‌ها دوپات كر ژی، ئاشتی و جێگریا رۆژهه‌لاتا ناڤین گه‌له‌ك یا گرنگه‌ بۆ ژاپۆنێ هه‌ڤده‌م بۆ ئاشتی و گه‌شه‌پێدانا جیهانێ پێدڤییه‌، وه‌ك سه‌رۆكێ گۆپیتكی ئه‌و دێ دوپاتیێ ل ئاساییشا وزه‌یێ و ده‌ڤه‌رێ كه‌ت.

بابه‌تێن ب ڤێ مژارێ ڤه‌ گرێدای