چینێ پشته‌ڤانییا خوه‌ بۆ ئیرانێ راگه‌هاند

چینێ پشته‌ڤانییا خوه‌ بۆ ئیرانێ راگه‌هاند

WAAR-دهۆك:

چینێ ب رێیا وەزیرێ خوه‌ یێ دەرڤە سزایێن ئه‌مریكا ل سه‌ر ئیرانێ شه‌رمزار كرن و پشته‌ڤانییا خوه‌ بۆ ئیرانێ راگه‌هاند.
وەزیرێ دەرڤە یێ چینێ وانگ یی ل گه‌ل وەزیرێ دەرڤە یێ ئیرانێ مەحەمەد جەواد زەریفی كۆم بوو و ناڤهاتی گۆت: پكین سزایێن ئێكلایی یێن واشنتۆنێ ل سه‌ر ته‌هرانێ شه‌رمزار دكه‌ت و پشته‌ڤانییێ ژی ل بزاڤێن كۆمارا ئیسلامی د پاراستنا ماف و به‌رژه‌وه‌ندییێن خوه‌ دا دكه‌ت.
وانگ یی ئاشكه‌را ژی كر: ره‌وشا نها یا مه‌ترسداره‌ و ب ره‌نگه‌كێ بله‌ز خرابتر لێدهێت، دڤێت كۆمارا ئیسلامی د ڤێ ره‌وشێ دا په‌یوه‌ندی و هه‌ماهه‌نگییا خوه‌ ل گه‌ل چینێ بهێزتر لێبكه‌ت.
زه‌ریفی ژی ژ ئالییێ خوه‌ ڤه‌ گۆت: ته‌هرانێ نییه‌تا خوه‌ڤه‌كێشانێ ژ رێككه‌فتنا ئه‌تۆمی نینه‌ و ناخوازیت ژی شه‌رێ چ ئالییان بكه‌ت.

بابه‌تێن ب ڤێ مژارێ ڤه‌ گرێدای