پەکەکە و خەونێن ئەردوگانی

پەکەکە و خەونێن ئەردوگانی

رێڤینگ شێخکی

دڤان چەند سالێن داویێ دا رەجەب تەیب ئەردۆگان وەکو سۆلتانەکێ دەولەتا عوسمانی خوە خویا دکەت و وەکو دینەمێرەک د پانەڤا سیاسەتا جیھانی و رۆژھەلاتا ناڤین دا خوە ل بەندا زل ھێز و وەلاتێن ھەرێمی دھاڤێتن بێی کو ھەست ب مەزنی و ترسا وەلاێن بەرامبەری خوە بکەت کو گەلەک جاران گەھشتیە وی رادەی خوە راکێشایێ میناک ئێخستنا فرۆکەکا رووسی گرتنا قەشە (برۆنسون) کرینا سیستەمێ (S-400) ژ رووسیا کو ئەمریکا نەرازیبوونەکا تەمام دیار کر تاگەھشتیە وی رادەی سزایێن ئابۆری ل سەر بسەپینیت، ب بۆچوونا من یا کەسی خەون و حەز و ئارەزووێن ئەردۆگانی رۆژ بۆ رۆژێ دگەل ژیێ وی مەزن دبن، کا چاوان وەکو دەستپێک ھات عەفرین داگیر کر کو نھا وەکو ویلایەتەکێ ب سەر دەولەتا خوە ڤە دبینیت و نەراوەستیا نوکە ژی ھاتییە (سەرێ کانیێ، گرێسپی، قامشلۆ) داگیر بکەت و سوبا تێ چاڤەرێکرن بھێتە باژارێن دی یێن روژ ئاڤا و بھێە شنگال و ویلایەتا مووسل کو تا نوکە ژی وەسا دبینن مووسل وەکو ملک یێ دەولەتا تورکی یە و دبێژن دڤێت رۆژەکێ بۆ بزڤریت، پشتی راگەھاندنا شەرێ دویێ ل رۆژئاڤایێ کوردستانێ ژ بۆ داگیرکرنا بەشەکێ دن یێ ئاخا سووریێ نەرازیبوونێن توند ژ لایێ وەلاتێن جیھانێ ڤە دھێنە دیتن ئەڤە ژی وێ یەکێ دگەھینیت کو جیھان د مەرەمێن نەسافی یێن ئەردۆگانی گەھشتیە کۆ یێ پێکۆلا داگیرکرنا دەوروبەرێن خوە و فرانکرنا رووبەرێ خوە یێ جۆگرافی دکەت ئەڤ یەک ژی نە دبەرژەوەن دا وەلاتێن ئەورۆپی و جیھانی دا یە ژبەرکۆ وەکو دھێتە دیتن وەلاتێن زلھێز رێنادەن چ وەلاتەک ھند بھێز و مەزن بیت کو بھێت ھەڤرکییێ دگەل بکەت بەروڤاژی ئەمریکا ھەمی پێکۆلان دکەت چ ھێزێن مەزن ل بەرامبەری خوە نەبینیت و ھەر وەلاتەکێ بھێز و مەزن بیت بچویک و پارچە پارچە دکەت، ل سەردەمێ دەولەتا عوسمانی و د وان دەمێن دەولەتا تورک یا بھێز زولم و ستەم و قەبخازیا وێ ھاتییە دیتن ھەلبەت دەولەتا تورکیا رابردو و مێژوویەکا خویناوی یا گەلەک رەش ھەیە ھەر ژ کۆمکوژێن کوردان و جینۆسایدێن ئەرمەنان و داگیر کرنا وەلاتێن ئەرۆپی و خراب کرن و تێکدانا شارستانیەت و مرۆڤایەتییێ، ئەڤ مێژوویا رەشا تورکیایێ دێ شەفاعەتێ بۆ کوردان کەت کو جیھان د دەمەکێ کورت دا د ھەوارا وان بھێت، لەومان ژی ئەز چاڤەرێ دکەم د چەند رۆژێن داھاتی دا وەلاتێن ئەرۆپی و ھەرێمی توند تر بھێنە سەر خەت و ئەگەر خاستە ھندێ سزایێن توندێن ئابۆری و سیاسی و لەشکەری لسەر تورکییێ بھێنە سەپاندن، تورکیا یەک ھێجەت و سیناریۆ ھەیە ژ بۆ لەشکەرکێشییێ و ھاتنا لەشکەر و فرۆکێن وان بۆ باشوورێ کوردستانێ و رۆژئاڤا کو نھا بەشەکە ژ ئاخا سووریێ، ئەو ژی (پەکەکە)یە ھەر جھێ تورکیا د ڤێ داگیر بکەت بەری ھنگێ پەکەکێ دھنێریتە وێرێ نموونەیەک بچویک ھەبوونا پەکەکێ ل شنگالێ چ رامان ھەنە چ کارێ پەکەکێ ل شنگالێ ھەیە، ئەرێ چ جھێن پێدڤیتر نینن پەکەکە بچیت و بەردەوامییێ بدەتە خەباتا خوە ھەلبەت بەلێ یێن ھەین لێ بۆچی ناچیت؟ د داخویانیێن ئەردۆگانی دا دھێتە دیتن کو بھیجەتا پەکەکێ وێ بھێتە شنگالێ ژی، بۆچوونەک ھەیە ل سەر ھەلکرنا گلۆپا کەسەک ژ لایێ ئەمریکا بۆ تورکییێ کو ھەمان سیناریۆیا سالا (1990)یە دەما ئەمریکا رێ دایە عیراقێ وەلاتێ کوێت داگیر بکەت و پاشان وەکو ھیجەتەک ب کارئینای وەلاتێ عیراقێ سزا بدەت و سەدام حسینی ژناڤ ببەت، دبیت ئەڤ گێلەشۆکا ئەردۆگان و تورکیا کەفتییێ ببیتە سەدەم ھەردو ژناڤ بچن.

بابه‌تێن ب ڤێ مژارێ ڤه‌ گرێدای