پەکەکە: هەلوەستێ هەرێما کوردستانێ بۆ رۆژئاڤا گرنگ بوو

پەکەکە: هەلوەستێ هەرێما کوردستانێ بۆ رۆژئاڤا گرنگ بوو

WAAR-دهۆك:

پەکەکێ پەسنا هەلوەستێن هەرێما کوردستانێ ل دۆر رەوشا رۆژئاڤایێ کوردستانێ كر و داخوازا کۆنگرەیەکێ نەتەوەی کر.
کۆمیتەیا رێڤەبەر یا پارتییا کارکەرێن کوردستانێ، پەکەکێ د داخویانییەکا نڤسیکی دا راگەهاند: د جەنگا ئێکێ یا جیهانی دا کورد هاتنە پارچەکرن، نها ژی ئاماژەیێن جەنگا سێیێ یا جیهانی ل رۆژئاڤایێ کوردستانێ هەنە.
گۆت ژی: هێرشا تورکیا ل رۆژئاڤیێ کوردستانێ، زێدەباری ناکۆییان؛ هەموو گەلێ کورد ل هەڤ کۆم کرن و ب تایبەت هەلوەستێن فەرمی یێن هەرێما کوردستانێ و پارتییێن وێ یێن سیاسی گرنگ بوون وکاریگەرییەکا مەزن ل مۆرالا وەلاتی و شەرڤانێن رۆژئاڤا کر.
پەکەکێ هەروەسا راگەهاند: گەلێ کورد ژ مێژ وەرە داخوازا کۆنگرەیەکێ نەتەوەیی دکەت و نها ژی دەلیڤەیەکا باشە، کو ئالییێن سیاسی یێن هەموو پارچەیێن کوردستانێ و رەوشەنبیر و هونەرمەندێن گەلێ کورد د چوارچووڤەیەکێ گونجایی دا ل هەڤ کۆم ببن و د بریارێن نەتەوەیی دا هەڤکار بن.

بابه‌تێن ب ڤێ مژارێ ڤه‌ گرێدای