پیرۆزباهییێن ناڤخوه‌یی و نێڤده‌وله‌تی ل حکومه‌تا نوو یا هه‌رێمێ

پیرۆزباهییێن ناڤخوه‌یی و نێڤده‌وله‌تی ل حکومه‌تا نوو یا هه‌رێمێ

WAAR-دهۆك:

هه‌م ئالییێن کوردستانی و ئیراقی، هه‌م ژی نوونه‌راتییێن وه‌لاتێن هه‌ڤسوو و یێن زلهێز پیرۆزباهیییا مه‌سروور بارزانی دکه‌ن و ژ سه‌رکه‌فتنا حکومه‌تا نوو یا هه‌رێمێ پشتراستن.
ئۆلێک لێڤین، کۆنسولێ گشتی یێ رۆسیا د په‌یامه‌کا پیرۆزباهییێ ل سه‌رۆکێ نوو یێ حکومه‌تا هه‌رێما کوردستانێ دا راگه‌هاند: هه‌رێما کوردستانێ دێ ل سه‌ر ده‌ستێ مه‌سروور بارزانی پێشکه‌فتنێن به‌رچاڤ بخوه‌ بینیت.
هه‌ڤکیفێ وی یێ کۆمارا ئیسلامی یا ئیرانێ، مورته‌زا عه‌بادی ژی ژ حکومه‌تا نوو یا هه‌رێمێ خواست: په‌یوه‌ندییێن دیرۆکی یێن سیاسی و کولتۆری یێن ئیران و کوردستانێ بهێنه‌ به‌رفره‌هکرن.
ژ ئالییێ ناڤخوه‌یی ڤه‌ ژی، فواد حوسێن، وه‌زیرێ دارایی یێ ئیراقێ په‌یوه‌ندییه‌کا تێله‌فۆنی ب سه‌رۆکوه‌زیر مه‌سروور بارزانی کر و سه‌رۆکاتییا حکومه‌تا نوو لێ پیرۆز کر.
د په‌یامه‌کا دی ژی دا، پارتییا دیمۆکرات یا کوردستانێ – باکۆر پشتراستی و گه‌شبینییا خوه‌ راگه‌هاند، کو هه‌رێما کوردستانێ ب ده‌ستهه‌لاتا خوه‌ یا نوو بگه‌هیته‌ ئاسته‌کێ ئارامتر و بهێزتر.

بابه‌تێن ب ڤێ مژارێ ڤه‌ گرێدای