پۆمپێیۆ: لوبنان ب هه‌بوونا تیرۆرستان نه‌شێت پێشڤه‌ بچیت

پۆمپێیۆ: لوبنان ب هه‌بوونا تیرۆرستان نه‌شێت پێشڤه‌ بچیت

WAAR-دهۆك:

وه‌زیرێ ده‌رڤه‌ یێ ئه‌مریكا ئه‌ڤرۆ گه‌هشته‌ لوبنانێ و ل گه‌ل سه‌رۆكوه‌زیر و وه‌زیرا ناڤخۆ یا وی وه‌لاتی كۆم بوو.
مایكۆ پۆمپێیۆ ئه‌ڤرۆ ل به‌یرۆتێ كۆمبوونا خوه‌ یا ل گه‌ل سه‌عد حه‌ریری و رایا ئه‌لحه‌سه‌ن بكارئینا بۆ هێرشكرنێ ل سه‌ر رۆلێ ته‌ڤگه‌را حزبوللا یا لوبنانی و پشكداریا وێ د حكوومه‌تێ دا ره‌خنه‌ كر.
پۆمپێیۆ گۆت: لوبنان ب پشكداریپێكرنا تیرۆرستان د حكوومه‌تێ دا نه‌شێت چ پێشڤه‌چوونان بده‌ستڤه‌ بینیت، حزبولا گه‌فه‌ ل سه‌ر لوبنانێ و ئسرائیلێ و ده‌ڤه‌رێ هه‌میێ.
ناڤهاتی کێشەیێن رۆژھەلاتا ناڤین یێن مینا ئیرانێ، هەروەها کێشەیا ئسرائیل و فەلەستینێ و کێشەیێن یەمەن و سووریێ ژی گۆتوبێژ كرن.
مایک پۆمپێیۆ ب سەرەدانەکا فەرمی ل رۆژھەلاتا ناڤینە و به‌ری نها سەرەدانا کوێت و ئسرائیلێ کرییە، ئەڤرۆ گەهشتە داوی وەستەگەھا سەرەدانا خوە کو لبنانە.

بابه‌تێن ب ڤێ مژارێ ڤه‌ گرێدای