پۆتین: رۆسیا تیما رزگاركرنێ نینه‌ هه‌می مژاران چاره‌ بكه‌ت

پۆتین: رۆسیا تیما رزگاركرنێ نینه‌ هه‌می مژاران چاره‌ بكه‌ت

WAAR-دهۆك:

سه‌رۆكێ رۆسیا ئه‌ڤرۆ راگه‌هاند، وه‌لاتێ وی نه‌ تیما رزگاركرنێ یه‌ كو ئاریشێن وه‌لاتێن دی چاره‌ كه‌ت و پێدڤیه‌ ئیرانێ خوه‌ ژ رێككه‌فتنا ئه‌تۆمی ڤه‌نه‌كێشیت.
ڤلادیمێر پۆتینی ئه‌ڤرۆ ل سووچی گۆت: سه‌رباری خوه‌ڤه‌كێشانا ئه‌مریكا ژ رێككه‌فتنا ئه‌تۆمی یا ئیرانێ سا سالا 2015ێ، وی داخواز ژ سه‌ركردایه‌تییا ئیرانێ كرییه‌ خوه‌ ژ رێككه‌فتنێ ڤه‌نه‌كێشیت ژبه‌ركو ل وی ده‌می دێ هه‌می ئالی ئیرانێ ب ژناڤبرنا رێككه‌فتنێ سووچبار كه‌ن و دێ ژبیركه‌ن كو ئه‌مریكا بوو ژده‌ستپێكێ خوه‌ ڤه‌كێشای.
پۆتینی گۆت ژی: خالێن رێككه‌فتنێ نها به‌ر ب ژناڤچوونێ دچن و وه‌لاتێن ئه‌ورۆپی نه‌شێن چ بۆ رزگاركرنا وێ بكه‌ن، هه‌روه‌ها رۆسیا ژی نه‌ تیما رزگاركرنێ یه‌ كو هه‌می ئاریشێن پشبه‌ستن ل سه‌ر مۆسكۆ نه‌بیت چاره‌ بكه‌ت.

بابه‌تێن ب ڤێ مژارێ ڤه‌ گرێدای