پشتى بێهنڤه‌دانا جه‌ژنێ دێ شاندا هه‌رێمێ چیته‌ به‌غدا

پشتى بێهنڤه‌دانا جه‌ژنێ دێ شاندا هه‌رێمێ چیته‌ به‌غدا

WAAR-دھۆك:

بریاره‌ حه‌فتییا بهێت شانده‌كا بلند یا حكومه‌تا هه‌رێما كوردستانێ بچیته‌ به‌غدا و لژنه‌یێن ته‌كنیكى یێن چاره‌كرنا كێشه‌یان ده‌ست بكار ببن.
ل گۆره‌ى زانیاریێن وار، شاندا حكومه‌تا هه‌رێمێ ئێكسه‌ر پشتى بێهنڤه‌دانا جه‌ژنێ، كو دكه‌ڤیته ‌ده‌ستپێكا حه‌فتییا بهێت دێ چیته‌ به‌غدا و ل گه‌ل وه‌زیرێن په‌ترۆل، دارایى و ناڤخوه‌یا ئیراقێ كۆمبن و د هه‌مان رۆژ دا، دێ لژنه‌یێن په‌یوه‌ندیدار یێن چاره‌كرنا كێشه‌یێن هه‌لاویستى ده‌ست بكاربن.
پشتى ده‌ستبكاربوونا حكومه‌تا هه‌رێمێ، مه‌سروور بارزانى بۆ نیشاندانا نیازپاكیێ سه‌ره‌دانا به‌غدایێ كربوو و راگه‌هاندبوو‌، هه‌ردو ئالییان نیه‌ته‌كا رژد بۆ چاره‌كرنا كێشه‌یێن دارایى و په‌ترۆل و غازێ، ده‌ڤه‌رێن كوردستانى هه‌یه‌.
ل دوماهییا مه‌ها بوورى شانده‌كا بلند یا ئیراقێ هاتبوو هه‌ولێرێ و پشتى چه‌ندین كۆمبوونان، هه‌ردو ئالى ل سه‌ر پێكئینانا چه‌ندین لژنه‌یان بۆ چاره‌كرنا هه‌موو كێشه‌یێن هه‌لاویستى رێككه‌فتبوون، ئه‌و لژنه ‌ژى دێ لبن سه‌رپه‌رشتییا مه‌سروور بارزانى سه‌رۆكێ حكومه‌تا هه‌رێمێ و سامر غه‌زبان، وه‌زیرێ په‌ترۆلێ و جێگرێ عه‌بدولمه‌هدى بۆ كاروبارێن په‌ترۆلێ بن.

بابه‌تێن ب ڤێ مژارێ ڤه‌ گرێدای