پارتییا سەعادەت: دوورخستنا شارەداران دەستبسەرداگرتنا ئیرادەیا گەلی یە

پارتییا سەعادەت: دوورخستنا شارەداران دەستبسەرداگرتنا ئیرادەیا گەلی یە

WAAR-دهوك:

سەرۆکێ پارتییا سەعادەت دیار کر کو دوورخستنا شارەدارێن ئامەد، وان و مێردینێ دەست ب سەرداگرتنا ئیرادەیا گەلی یە.
تەمەل کەرەمەللا ئۆغلو، سەرۆکێ پارتییا سەعادەت یا ئیسلامی ، دوورخستنا ھەڤشارەدارێن ئامەد، وان و مێردینێ یێن پارتییا دیمۆکراتیک یا گەلان، ھەدەپێ و دانانا قەیوومان ل شوونا وان شەرمزار کر و راگەھاند: ئەڤ گاڤا دەستھەلاتا تورکیا دەست ب سەرداگرتنا ئیرادەیا گەلی یە.
کەرەمەللا ئۆغلویی گۆت ژی: دوورخستنا کەسێن چ حوکمێن دادوەری یێن ڤەبر دەرحەقا وان نەدەرکەفتین، د گەل دیمۆکراسی و دادپەروەرییێ دا ناگونجیت و رەفتارا دەستھەلاتێ یا ب ڤی ئاوایی ژ بلی کو پشتگۆھخستنا گەلی یە، پشتگۆھخستنا مافان ژی یە و چ بدەست نائێخیت و پێدڤییە بنگەھـ و پرەنسیب ئەو بیت؛ یێ ب ھەلبژارتنان ھاتی، ب ھەلبژاتنان بچیت ژی.

بابه‌تێن ب ڤێ مژارێ ڤه‌ گرێدای