وەزیرێ دەرڤە یێ فرەنسا نامەیەک بۆ سەرۆکێ ھەرێما کوردستانێ ھنارت

وەزیرێ دەرڤە یێ فرەنسا نامەیەک بۆ سەرۆکێ ھەرێما کوردستانێ ھنارت

WAAR-دهۆك:

وەزیرێ دەرڤە یێ فرەنسا نامەیەک بۆ سەرۆکێ ھەرێما کوردستانێ ھنارت و تێدا رۆلێ سەرۆک نێچیرڤان بارزانی د خورتکرنا پەیوەندیێن د ناڤبەرا ھەرێما کوردستانێ و ئیراقێ دا بلند نرخاند.
ژان ئێف لودریان وەزیرێ دەرڤە یێ فرەنسا، د نامەیا خوە یا بۆ نێچیرڤان بارزانی سەرۆکێ ھەرێما کوردستانێ ھنارتی، پەسنا رۆلێ سەرۆکێ ھەرێمێ كریه‌ و گۆتییە: ب 10 سالێن بۆری وەک سەرۆکێ حکومەتا ھەرێما کوردستانێ شەرعییەتا تەمام ھەیە بۆ برێڤەبرنا سیاسەتەکا پڕ ژ ھیڤیان بۆ بھێزکرنا پەیوەندیێن د ناڤبەرا ھەولێر و بەغدایێ دا ل گەل پێشڤەبرنا ئاساییشا ھەرێمێ و ئیراقێ ب گشتی ل ھەمبەر ھەر مەترسییەکا سەرھەلبدەت.
وەزیرێ دەرڤە یێ فرەنسا دوپات ژی کر: وەلاتێ وی رژدە ھەماھەنگییا خوە ل گەل ھەرێما کوردستانا ئیراقێ د ھەموو واراندا بەرەڤ پێش ببەت و گۆت: فرەنسا چەوان ل دەما شەری ل گەل ھەرێما کوردستانێ بوو، ل دەما ئاشتیێ دا ژی دێ مینیت و دێ پێداگیر بیت ل سەر پابەندییا خوە بۆ رێزگرتن ل ھیڤیێن کوردان د چوارچووڤێ ئیراقەکا ئێکگرتی و فیدرال و دیموکراسی دا.

بابه‌تێن ب ڤێ مژارێ ڤه‌ گرێدای