وەزارەتا ئەوقافێ داخوازا یەکەیێن ئاکنجیبوونێ بۆ مامۆستایێن ئۆلی کر

وەزارەتا ئەوقافێ داخوازا یەکەیێن ئاکنجیبوونێ بۆ مامۆستایێن ئۆلی کر

WAAR-دهۆك:

وەزارەتا ئەوقاف و کاروبارێن ئۆلی یا حکومەتا ھەرێمێ، داخواز ژ دەستەیا وەبەرھێنانێ کر، یەکەیێن ئاکنجیبوونێ بۆ مامۆستایێتن ئۆلی دابین بکەت.
د نڤیسارەکێ دا وەزارەتا ئەوقاف و کاروبارێن ئۆلی یا حکومەتا ھەرێما کوردستانێ کو ئاراستەیی دەستەیا وەبەرھێنانێ کریە، تێدا بەحس ل رۆلێ مامۆستایێن ئۆلی د خزمەتکرنا ئۆلێ ئیسلامێ و شۆرشێن کوردی دا کر و دوپات کریە:‌ ئەو ب ئەرکێ خوە دزانن خزمەتا وان بھێت کرن و ژیانەکا باشتر بۆ بھێت دابین کرن.
ل دووڤ وێ نڤیسارێ کو ئیمزایا وەزیرێ ئەوقافێ ل سەرە، ئاماژە ب رەوشا خرابا داراییا مامۆستایێن ئۆلی دایە و داخواز ژ دەستەیا وەبەرھێنانێ کریە، ل دووڤ یاسایا وەبەرھێنانێ پرۆژەیەک بۆ جھێ ئاکنجیبوونێ بھێت دابینکرن و ب نرخەکێ گونجایی بیت و ب کارن مفای ژێ وەربگرن.

بابه‌تێن ب ڤێ مژارێ ڤه‌ گرێدای