واشنتۆن پۆست: سه‌ركه‌فتنا به‌ره‌یێ ئیرانێ ل كوردستانێ گه‌فه‌ ل سه‌ر هه‌می جیهانێ

واشنتۆن پۆست: سه‌ركه‌فتنا به‌ره‌یێ ئیرانێ ل كوردستانێ گه‌فه‌ ل سه‌ر هه‌می جیهانێ

WAAR-دهۆک:

رۆژنامه‌یه‌كا ئه‌مریكی د گۆتاره‌كا خوه‌ دا سه‌ركه‌فتنا به‌ره‌یێ ئیرانێ ل كه‌ركووكێ ب سه‌ركه‌فتنا خرابیێ ناڤكر و دا زانین: ئه‌و یه‌كه‌ گه‌فه‌ ل سه‌ر ئێمناهییا ده‌ڤه‌رێ و هه‌می جیهانێ.
راشیل ئه‌فراهام مه‌زنه‌ شلۆڤه‌كارا لێكۆلینێن راگه‌هاندنێ ل سه‌نته‌رێ لێكۆلینێن سیاسه‌تێن رۆژهه‌لاتا ناڤین ل واشنتۆن د گۆتاره‌كێ دا بۆ رۆژنامه‌یا واشنتۆن پۆست نڤیسیه‌، كه‌ركووك كه‌ته‌ ده‌ست سوپایێ ئیراقێ و میلیشیایێن حه‌شدێ و سوپایێ قودسێ ئیرانێ، ئه‌بو مه‌هدی مۆهه‌ندس ئه‌وێ ب سووچا تیرۆرێ داخوازكری ل ئه‌مریكا، پشكداری هێرشا سه‌ر كوردستانا ئیراقێ ببوو و ئه‌و یه‌كه‌ راگه‌هاندنا شه‌ری بوو ل دژی هه‌رێمێ.
نڤیسه‌رێ خویا ژی كر: به‌ره‌یێ ئیرانێ هێرشا خوه‌ یا سه‌ر هه‌رێمێ ب ده‌بابه‌ و چه‌كێ گران یێ ئه‌مریكی كر، ئه‌وێ كو ئه‌مریكا بۆ شه‌رێ دژی تیرۆرێ دایه‌ هێزێن ئیراقی، لێ نها یێ د ده‌ست میلیشیایێن حه‌شدێ و هێزین فه‌یله‌قا قودس دا.
نڤیسه‌را گۆتارێ ژ زارێ چه‌ند كه‌سایه‌تیێن ئۆپزسیۆنا ئیرانێ به‌لاڤكر: ئیران ب رێیا دامه‌زراندنا كۆمپانیێن نهێنی یێن په‌ترۆلێ، دێ بزاڤان كه‌ت په‌ترۆلا ئیراقێ بێخیته‌ بن كۆنترۆلا خوه‌ و یا بزاڤان دكه‌ت ژی رێفراندۆما هه‌رێمێ بكه‌ته‌ به‌هانه‌ تا شه‌ری ل دژی هه‌رێمێ بكه‌ت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.