هێرشا تورکیا ل سەر رۆژئاڤایێ کوردستانێ بەردەوامە

هێرشا تورکیا ل سەر رۆژئاڤایێ کوردستانێ بەردەوامە

WAAR-دهۆك:

هێرشا توركیا بۆ شه‌ڤا دویێ ل سه‌ر رۆژئاڤایێ كوردستانێ به‌رده‌وامه‌و سوپایێ توركیا و ئۆپزسیۆنا سوورى یا ب سه‌ر وێ ڤه‌ب درێژاهییا سنۆرى ده‌ڤه‌رێن رۆژئاڤایی كوردستانی بۆمبه‌باران دكه‌ن.
ھێزێن سووریا دیموکراتیک، ھەسەدێ دیار كر، تۆپخانەیێن سوپایێ تورکیا ئەڤرۆ سپێدێ دەست ب تۆپبارانا ناڤچەیێن دەردوورا باژارکێن سەرێ کانیێ و کۆبانێ و گرێ سپی و قامشلۆ کرییە و پاشان فرۆكه‌یان ژى ده‌ست ب بۆمبه‌بارانێ كرییه‌و هێرشێن وان به‌رده‌وامن.
ھەسەدێ ژى ئامارا شه‌ڕێ ل گه‌ل سوپا و ئۆپوزسیۆنا سه‌ر ب توركیا ڤه‌به‌لاڤ كر و راگه‌هاند: پێنج تانک و شه‌ش فرۆکەیێن تورکیا هاتنه‌ژناڤبرن و ب ده‌هان سەربازێن تورکیا هاتینه‌کوشتن و بریندارکرن.
ل گۆره‌ى زانیارییان، سوپایێ توركیا دو گوندێن سه‌رێ كانییێ داگیر كرن و پێنج سڤیل شه‌هید بوون و نه‌هـ ژى برینداربوون، ل دێركێ ژى شەرڤانان بنگەھەکێ سوپایێ تورکیا ژناڤبر و سێ سه‌رباز كوشتن و هه‌ڤده‌ ژى بریندار كرن.
ل گرێ سپى و قامشلۆ ژى د بۆمبه‌بارانا توركیا دا شه‌ش سڤیل شه‌هیدبوون و پێنج ژى بریندار بوون.

بابه‌تێن ب ڤێ مژارێ ڤه‌ گرێدای