هۆله‌ندا و كوریا باشۆر ده‌ربازبوو چارێك داوییا مۆندیالا پێگه‌هشتییان

هۆله‌ندا و كوریا باشۆر ده‌ربازبوو چارێك داوییا مۆندیالا پێگه‌هشتییان

WAAR-دهۆك:

ھەلبژارتییێ ھۆلەندا دەربازبوو قۆناغا چارێک داوییا موندیالا پێگەھشتییان بو یاریکەرێن ژییێ دبن ١٧ سالییێ دا ئەوا ھەڤرکیێن وێ ل بەرازیلێ دھێنە برێڤەبرن، پشتی سەرکەڤتن لسەر ھەلبژارتییێ نایجیریا تۆمارکری ب سێ گۆلان بەرامبەر گۆلەکێ . بتنێ سێ خولەک ژ دەستپێکرنا یارییێ بوورین و سونتجی ھانسێن ھەلبژارتییێ ھولەندا ب تۆمارکرنا گۆلا ئێکێ پێشخست، سەرباری کو ل خولەکا ١٢ نایجیریایێ برێکا ئولوسیگۆن ئەنجام وەکھەڤ لێکر، لێ پشتی وێ ب سێ خولەکان ھانسێن ڤەگەریا و جارەکا دی ھۆلەندا پێشخست دەمێ ب شوتەکا بھێز گۆلا دووێ تۆمارکری، و ل خولەکا ٨٠ ھەمان یاریکەر ڤەگەریا و ھاتریک تمامکر دەمێ ژ پەنەلتییێ گۆلا سێیێ و مسۆگەرکرنا سەرکەڤتنێ ئینای.
ژلایێ خوەڤە ھەلبژارتییێ کوریا باشۆر پلێتەکا قۆناغا چارێک داوییێ بدەستڤەبر، پشتی سەرکەڤتنەکا بزەحمەت لسەر ئەنگۆلا تۆمارکری ب گۆلەکێ بێ بەرامبەر . لخولەکا ٣٣ مین سیو چوی گۆلا پێشکەڤتنێ بو کوریا باشۆر تۆمارکر، پشتی وێ ئەنگۆلا گەلەک بزاڤ بۆ راستڤەکرنا ئەنجامی کرن لێ نەشیا گۆلا وەکھەڤییێ بینیت و یاری ب دەربازبوونا کوریا باشۆر بۆ قۆناغا چارێک داوییێ بداوی ھات.

بابه‌تێن ب ڤێ مژارێ ڤه‌ گرێدای