هه‌ڤپه‌یمانییێ بریار دا به‌رده‌وامیێ ب كارێ سیاسی بده‌ت

هه‌ڤپه‌یمانییێ بریار دا به‌رده‌وامیێ ب كارێ سیاسی بده‌ت

WAAR-دهۆك:

هه‌ڤپه‌یمانی بۆ دیمۆگراسی و دادپه‌روه‌ریێ ئه‌ڤرۆ ل هه‌ولێرا پایته‌خت كۆنگره‌یا خوه‌ یا نه‌ئاسایی گرێدا و ب ته‌ڤاهییا ده‌نگان بریار دا، به‌رده‌وامیێ ب كارێ خوه‌ یێ سیاسی بده‌ت.
هه‌ڤپه‌یمانی بۆ دیمۆكراسی و دادپه‌روه‌ریێ ئه‌ڤرۆ ده‌ست ب كارێن كۆنگره‌یا خوه‌ یا نه‌ئاسایی ل هه‌ولێرێ كر، پشتی د. به‌رهه‌م سالحێ سه‌رۆكێ وێ خوه‌ ژێ ڤه‌كێشای و ڤه‌گه‌ریایی ناڤ ئێكه‌تیێ، كۆنگره‌ ب ئاماده‌بوونا چارسه‌د و پێنجی ئه‌ندامان ده‌ستپێكرییه‌ و د ئێكه‌م گاڤ دا، ب ته‌ڤاهییا ده‌نگان بریار دا هه‌ڤپه‌یمانی وه‌ك قه‌واره‌یه‌كێ سیاسی بمینیت و به‌رده‌وام بیت.
په‌یامنێرێ وار ل هۆلا كۆنگره‌ی دیاركر، د كۆنگره‌ی دا ئه‌ڤرۆ دێ ده‌نگدان بۆ هه‌لبژارتنا سه‌رۆكه‌كێ نوو بۆ هه‌ڤپه‌یمانیێ هێت دان، هه‌روه‌ها ناڤێ هه‌ڤپه‌یمانیێ ژی، بۆ هه‌ڤپه‌یمانییا نیشتیمانی دێ هێت گوهارتن.
هه‌ڤپه‌یمانییا نیشتیمانی ل ده‌هی چریا دوێ یا ئه‌ڤساله‌ ئێكه‌م كۆنگره‌یا خوه‌ ل سلێمانیێ كر و به‌رهه‌م سالح وه‌ك سه‌رۆكێ وێ هاتبوو هه‌لبژارتن، د هه‌لبژارتنێن په‌رله‌مانێ ئیراقێ دا، شیا دو كورسییان ببه‌ت، لێ پشتی ڤه‌گه‌ریانا د. به‌رهه‌م سالحی بۆ ناڤ ئێكه‌تیێ، هه‌ردو په‌رله‌مانتارێن وان ژی دگه‌ل دا ڤه‌گه‌ریان و نها ل سه‌ر پشكا ئێكه‌تیێ نه‌.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.