هه‌سه‌ده: تورك دێ ئیگۆرێن چینی ل رۆژئاڤایێ كوردستانێ بنه‌جهـ كه‌ن

هه‌سه‌ده: تورك دێ ئیگۆرێن چینی ل رۆژئاڤایێ كوردستانێ بنه‌جهـ كه‌ن

WAAR-دهۆك:

هه‌سه‌دێ هۆشداری ژ پیلانێن توركیا بۆ گهۆرینا دیمۆگرافییا رۆژئاڤایێ كوردستانێ دان و راگه‌هاند: تورك دێ ئیگۆران ل ده‌ڤه‌رێن كوردان بنه‌جهـ كه‌ن.
به‌رپرسێ ئۆفیسا راگه‌هاندنا هه‌سه‌دێ مسته‌فا بالی ده‌رباره‌ی هێرشا توركیا یا ل سه‌ر رۆژئاڤایێ كوردستانێ گۆت: ته‌عریبكرنا ده‌ڤه‌رێن كوردان تایبه‌تمه‌ندییا به‌عسییانه‌ و توركیا د چوارچۆڤه‌یێ پرۆژه‌یێ خوه‌ یێ گهۆرینا دیمۆگرافییا باكۆرێ سووریا دا عه‌ره‌بان ل ده‌ڤه‌رێن كوردان بنه‌جهـ ناكه‌ت.
مسته‌فا بالی ئاشكه‌را ژی كر: تورك دێ كورد و عه‌ره‌ب و سریانان ژ جهێن وان ده‌رێخن و ل دووف په‌یمانا “میساق مێلی” دێ ئیگۆرێن چینی ل باكۆرێ سووریا بنه‌جهـ كه‌ن.
میساق مێلی ئانكو په‌یمانا نشتیمانی ئه‌و په‌یمانه‌ یا سالا 1920ـێ ئه‌تاتۆركی بۆ به‌رفره‌هكرنا سنۆرێ توركیا دانای، كو دێ باشۆر و رۆژئاڤایێ كوردستانێ و هه‌روه‌سا باژارێن مووسل و حه‌له‌ب و زێده‌باری چه‌ند ده‌ڤه‌رین دی ب خوه‌ ڤه‌ گریت.
ئیگۆر خه‌لكێ ویلایه‌تا ژینجانگ یا باكۆرێ رۆژئاڤایێ چینێ نه‌ و ره‌گه‌زێ وان بۆ توركان ڤه‌دگه‌ریت.

بابه‌تێن ب ڤێ مژارێ ڤه‌ گرێدای