هه‌ده‌په‌: چاره‌كرنا كێشه‌یا كوردى دێ توركیا ژ قه‌یرانێ ده‌رباز كه‌ت

هه‌ده‌په‌: چاره‌كرنا كێشه‌یا كوردى دێ توركیا ژ قه‌یرانێ ده‌رباز كه‌ت

WAAR-دهۆك:

هه‌ڤسه‌رۆكا گشتى یا هه‌ده‌پێ، چاره‌كرنا كێشه‌یا كوردى ب تاكه‌ رێیا ده‌ربازبوونا قه‌یرانێن توركیا دانا و راگه‌هاند؛ ده‌سته‌یا بلند یا هه‌لبژارتنێن توركیا كۆده‌تا ب سه‌ر به‌ربژارێن سه‌ركه‌فتى یێن هه‌ده‌پێ دا كر.
په‌روین بۆلدانێ ئه‌ڤرۆ د نوت و نه‌هـ سالیا دامه‌زراندنا په‌ڕله‌مانێ توركیا دا گۆتاره‌ك ل په‌ڕله‌مانى پێشكێش كر و راگه‌هاند؛ كێشه‌یا كوردى ل توركیا، كێشه‌یا بیروباوه‌رانه‌ و تنێ دێ ب سیاسه‌ته‌كا دیموكراسى و ل دووڤ ده‌ستوور و بنه‌مایێن دیموكراسى هێت چاره‌كرن و ئه‌ڤه ‌تاكه‌رێیه ‌بۆ ده‌ربازكرنا توركیا ژ قه‌یرانێن مه‌زن.
گۆت ژى: پشتى هه‌لبژارتنێن شاره‌دارییان، ده‌سته‌یا بلند یا هه‌لبژارتنێن توركیا كۆده‌تا ب سه‌ر به‌ربژارێن سه‌ركه‌فتى یێن هه‌ده‌پێ دا ل كۆمه‌كا باژاركێن باكۆرێ كوردستانێ كر و فێل ل گه‌لێ كورد كر.
هه‌ڤسه‌رۆكا هه‌ده‌پێ بانگه‌وازه‌ك ئاراسته‌یى سه‌رۆككۆمار و ده‌ستهه‌لاتا بلند یا توركیا كر و گۆت: درۆشمێن جوداكارى و كه‌رب و كین و ژناڤبرنێ، چ كێشه‌یان چاره‌ ناكه‌ن و پێدڤی یه ل دووڤ ده‌نگێ گه‌لى بهێن، كو داخوازا ئاشتى و ئازادى و دیموكراسیێ دكه‌ن.

بابه‌تێن ب ڤێ مژارێ ڤه‌ گرێدای