نەتەوەیێن ئێکگرتی: ناڤەندێن ساخلەمییێ ل سوورییێ ب ئەنقەست دھێن بۆمبەبارانکرن

نەتەوەیێن ئێکگرتی: ناڤەندێن ساخلەمییێ ل سوورییێ ب ئەنقەست دھێن بۆمبەبارانکرن

WAAR-دهۆك:

نەتەوەیێن ئێکگرتی راگەھاند؛ د شەش مەھێن بۆری دا پتری شێست و یەک ناڤەندێن ساخلەمییێ ل ئدلبێ ھاتینە بۆمبەبارانکرن و وەھا دیار دبیت کو ب ئەنقەسەت ئەو کارە ھاتییە کرن.
رۆبێرت کۆلفیل، پەیڤدارێ رێکخستنا نەتەوەیێن ئێکگرتی یا مافێن مرۆڤی راگەھاند؛ د شەش مەھێن بۆری دا پتری شێست و یەک ناڤەندێن ساخلەمییێ ل پارێزگەھا ئدلبێ ل سوورییێ ھاتینە بۆمبەبارانکرن کو چار ژ وان د ڤێ حەفتییێ دا بوون و ئەو ل وێ ھزرێ نە ئەو کارە ب ئەنقەست ژ ئالییێ سوپایێ سوورییێ ڤە ھاتییە کرن.
ئاماژە ژی کر: ھندەک ژ وان ناڤەندان پتر ژ جارەکێ ھاتینە بۆمبەبارانکرن و گۆت؛ ئەو نابێژن ھەموو ھێرشێن ئاسمانی ب ئەنقەست بووینە، لێ ب ئاوایەکی بەرفرەھـ بوویەر وێ یەکێ دسەلمینن کو ب ئەنقەست دھێن کرن.
دا زانین ژی: نابیت بێژن ئەو ھێرشە ب شاشی ھاتینە کرن، ژ بەر کو ھەژمار گەلەکە و گەر لێکۆلینێن جددی بھێن کرن، ئەو کارە دێ ب سووچێن جەنگی ھێن ھەژمارتن.

بابه‌تێن ب ڤێ مژارێ ڤه‌ گرێدای