نەتەوەیێن ئێکگرتی راپۆرتەکا ل دۆر سووریێ بەلاڤکر

نەتەوەیێن ئێکگرتی راپۆرتەکا ل دۆر سووریێ بەلاڤکر

WAAR-دهۆك:

نەتەوەیێن ئێکگرتی راپۆرتا خوە لدۆر سووریێ بەلاڤکر و راگەھاند: بۆمبەبارانا فرۆکەیێن سووری و رۆسیا و ھەڤپەیمانییا نێڤدەولەتی دچنە د چارچووڤەیێ تاوانێن شەری دا.
لژنەیا نەتەوەیێن ئێکگرتی یا تایبەت ب سووریێ ڤە د راپۆرتا خوە دا ئاماژە ‌داییە کو ژ بەر بۆمبەبارانا فرۆکەیێن ھەڤپەیمانییا نێڤدەولەتی ب سەرکێشییا ئەمریکا ل سووریێ، گەلەک خەلکێ سڤیل بوویە قوربانی و ئەگەر ژی بۆ وێ چەندێ دزڤرن کو ھەڤپەیمانییا نێڤدەولەتی پێشوەخت ھوشداری ژ بۆمبەبارانکرنێن خوە نەدایە و ب شێوەیەکێ ھەرەمەکی بۆمبەباران کرییە لەورا ئەو چەندە ب تاوانێن شەری دھێتە ھەژمارتن.
دیار ژی کر: فرۆکەیێن رۆسیا و سووریێ ژی ب ھەمان شێوە و ب بەرنامە دارێشتی ھێرشی کرییە سەر نەخوەشخانە و سازیێن ساخلەمیێ ھەروەسا قوتابخانە و بازارێن ب قەرەبالغ کو ئەو جھن یێن سڤیل تێدا و ئەو ژی ھەر دچیتە د خانەیا تاوانێن شەری دا.

بابه‌تێن ب ڤێ مژارێ ڤه‌ گرێدای