نەتەوەیێن ئێکگرتی: ئەڤ سالە 350 ھزار یەمەنی ئاوارە بووینە

نەتەوەیێن ئێکگرتی: ئەڤ سالە 350 ھزار یەمەنی ئاوارە بووینە

WAAR-دهۆك:

نەتەوەیێن ئێکگرتی راگەھاند؛ ژ بەر شەرێ بەردەوام، ئەڤ سالە ل یەمەنێ نێزیکی 350 ھزار کەسان ئاوارەبووینە.
رێکخستنا کۆچا نێڤدەولەتی یا سەر ب نەتەوەیێن ئێکگرتی ڤە ئەڤرۆ د توویتەکێ دا راگەھاند؛ ژ دەستپێکا ئەڤ سالە ل یەمەنێ ژبەر بەردەوامییا شەرێ ناڤخوە، نێزیکی 350 ھزار کەسان مالێن خوە بجھـ ھێلاینە و ئاوارە بووینە.
ئاماژە ژی کر: کو تیمێن وان بەردەوام لسەر گەھاندنا ھاریکارییان بۆ وان ئاوارەیان و دروستکرنا جھێن ئارام بۆ ڤەحەویانا وان د ئەرک دانە.
دەما 5 سالانە یەمەن بوویە گورەپانا شەرێ حکومەتێ و چەکدارێن حۆسی یێن ئیران پشتەڤانییێ لێ دکەت، ل گۆری داوی ئامارێن نەتەوەیێن ئێکگرتی، ژ دەستپێکا سالا 2016ێ ل سیھـ بەرەیێن شەری 70 ھزار کەس ھاتینە کوشتن.

بابه‌تێن ب ڤێ مژارێ ڤه‌ گرێدای