نێچیرڤان بارزانی: تیرۆر هێشتا ترسه‌كا راسته‌قینه‌یه‌

نێچیرڤان بارزانی: تیرۆر هێشتا ترسه‌كا راسته‌قینه‌یه‌

WAAR-دهۆك:

سه‌رۆكێ هه‌رێما كوردستانێ په‌قینێن دوهی یێن رۆژئاڤایێ كوردستانێ شه‌رمه‌زار كرن و راگه‌هاند؛ ئه‌و كریارێن تیرۆرستی د سه‌لمینن كو تیرۆر هێشتا ترسه‌كا جددی یه‌.
نێچیرڤان بارزانی سه‌رۆكێ هه‌رێما كوردستانێ د په‌یامه‌كێ دا، په‌قینێن دوهی یێن باژارێن عه‌فرینێ، قامشلۆ و حه‌سه‌كێ یێن رۆژئاڤایێ كوردستانێ ب دوژاری شه‌رمه‌زار كرن كو پتری پازده‌ كه‌سان تێدا گیانێ خوه‌ ژ ده‌ستدا و حه‌فتێ ژی بریندار ببوون.
سه‌رۆكێ هه‌رێمێ ژبلی سه‌ره‌خۆشیێ ل مالباتێن قوربانییان هه‌ڤسۆز و هه‌ڤخه‌مییا خوه‌ و گه‌لێ كوردستانێ ژی نیشان دایه‌.

نێچیرڤان بارزانی گۆت: ئه‌و كریارێن تیرۆرستی د سه‌لمینن كو تیرۆر هێشتا ترسه‌كا راسته‌قینه‌یه‌ و گه‌فه‌ ل سه‌ر ئارامییا ده‌ڤه‌رێ و جیهانێ و ژبۆ به‌رهنگاربوونا وێ، پێدڤییه‌ هه‌ماهه‌نگییا هه‌مئالی و ناڤده‌وله‌تی هه‌بیت.

بابه‌تێن ب ڤێ مژارێ ڤه‌ گرێدای