نێچیرڤان بارزانى: هه‌رێم و به‌غدایێ خواستا چاره‌كرنا هه‌موو كێشه‌یان هه‌یه‌

نێچیرڤان بارزانى: هه‌رێم و به‌غدایێ خواستا چاره‌كرنا هه‌موو كێشه‌یان هه‌یه‌

WAAR-دهۆك:

سه‌رۆكێ هه‌رێما كوردستانێ ل گه‌ل شانده‌كا ئه‌مریكى كۆم بوو و راگه‌هاند: هه‌ردو حكومه‌تێن هه‌رێم و به‌غدایێ خواستا چاره‌كرنا هه‌موو كێشه‌یێن هه‌لاویستى هه‌یه‌.
نێچیرڤان بارزانى، سه‌رۆكێ هه‌رێما كوردستانێ ئه‌ڤرۆ ل هه‌ولێرێ پێشوازى ل برایان مه‌كفیتێرز، جێگرێ سه‌رۆكێ هنارتییێ ئه‌مریكا ل ئیراقێ كر و گۆتوبیژا ره‌وشا سیاسى و سه‌ربازى و ئێمناهى یا ده‌ڤه‌رێ كر و هه‌ردو ئالییان هه‌ماهه‌نگییا هه‌ولێر و به‌غدایێ بۆ چاره‌كرنا هه‌موو كیشه‌یان ب گرنگ ناڤ كر.
سه‌رۆك نێچیرڤان بارزانى راگه‌هاند: هه‌ردو حكومه‌تێن هه‌رێم و به‌غدایێ خواستا چاره‌كرنا هه‌موو كێشه‌یێن هه‌لاویستى هه‌یه‌ و بۆ ڤێ یه‌كێ ژى بزاڤه‌كا رژد دهێته ‌كرن.
جێگرێ سه‌رۆكێ هنارتییێ ئه‌مریكا ل ئیراقێ ژى، پشته‌ڤانییا ئه‌مریكا بۆ حكومه‌تێن هه‌ولێر و به‌غدایێ دوپاتكر و راگه‌هاند: ئه‌مریكا پابه‌ندى كاركرنێ یه ‌ل گه‌ل هه‌رێما كوردستانێ.

بابه‌تێن ب ڤێ مژارێ ڤه‌ گرێدای