نیۆیۆرک تایمز: قاسم سلێمانی سیاسەتا دەرڤە یا ئیرانێ برێڤە دبەت

نیۆیۆرک تایمز: قاسم سلێمانی سیاسەتا دەرڤە یا ئیرانێ برێڤە دبەت

WAAR-دهۆك:

رۆژنامەیا نیۆیۆرک تایمز یا ئەمریکی ژمارەکا بەلگەیێن هەوالگیری یێن نهێنی یێن ئیرانێ بەلاڤ کرن و راگەهاند، قاسم سلێمانی سیاسەتێن ئیرانێ ل ئیراق، لبنان و سووریێ برێڤە دبەت.
رۆژنامەیا نیۆیۆرک تایمز یا ئەمریکی ئەڤرۆ ژمارەکا مەزن یا بەلگەیێن نهێنی یێن دەزگەهێ هەوالگیریا ئیرانێ بەلاڤ کرن و د بەلگەیان دا هاتییە، ئیرانێ ژ سالا دوهزار و چاردێ دەستهەلاتا خوە ل سەر ئیراقێ ئێکجار زێدە کرییە و قاسم سلێمانی، سەرکردەیێ فەیلەقێ قودس یێ سوپایێ پاسدارێن ئیرانێ ل بەری حکوومەتا نوو یا ئیراقێ پێک بهێت، سەرەدانا ئیراقێ کرییە و ب پشتەڤانییا وی عادل عەبدولمەهدی بوویە سەرۆکوەزیرێ ئیراقێ.
نیۆیۆرک تایمز خۆیا ژی کرییە، قاسم سلێمانی ئیدارەیا سیاسەتا ئیرانێ ل ئیراق، لبنان و سووریێ دکەت و ئەندامێن سوپایێ پاسداران کارێ هەوالگیری ل ئیراقێ دکەن و بالیۆزێن ئیرانێ ل ئیراق، لبنان و سووریێ، ئەندامێن پلە بلند یێن سوپایێ پاسدارانن و بەرپرسێن ل وان وەلاتان دهێنە دانان، ب تایبەت ل ئیراقێ، ژ ئالیێ سوپایێ پاسداران ڤە دهێنە دەستنیشانکرن و ناڤێ بەیان جابر، وەزیرێ ناڤخوە یێ بەرێ یێ ئیراقێ وەک نمۆنە دایە نیاسین.
هەروەسا خۆیا کرییە، ئیرانێ ژمارەکا کارمەندێن دەزگەهێ هەوالگیرییا ئەمریکا سی ئای ئەی ل ئیراقێ و هەروەسا کارمەندێن وەزارەتا دەرڤە یا ئەمریکا د بەرژەوەندییا خوە دا بکار ئیناینە و ب رێیا وان سیاسەتێن ئەمریکا ل ئیراقێ ئاشکرا کرینە.

بابه‌تێن ب ڤێ مژارێ ڤه‌ گرێدای