نیکی هالی: تیلەرسۆن و کێلی دژی بریارێن ترامپی بوون

نیکی هالی: تیلەرسۆن و کێلی دژی بریارێن ترامپی بوون

WAAR-دهۆك:

بالیۆزا بەرێ یا ئەمریکا ل نەتەوەیێن ئێکگرتی ئەڤرۆ راگەهاند، وەزیرێ دەرڤە یێ بەرێ و سەرۆکێ بەرێ یێ فەرمانبەرێن کۆچکا سپی، دژی ژمارەکا بریارێن ترامپی بوون.
نیکی هالی، بالیۆزا بەرێ یا ئەمریکا ل نەتەوەیێن ئێکگرتی بۆ کەنالێ فۆکس نیۆز راگەهاند، ریکس تیلەرسۆن، وەزیرێ دەرڤە یێ بەرێ و جۆن کێلی، بەرپرسێ بەرێ یێ فەرمانبەرێن کۆچکا سپی، دژی بریارێن دۆنالد ترامپ، سەرۆکێ ئەمریکا یێن ڤەکێشانا ئەمریکا ژ رێککەفتنا سەقای یا جیهانی و هەروەسا رێککەفتنا ئەتۆمی یا دگەل ئیرانێ بوون.
هالیێ دا زانین ژی، ئەو دو بەرپرس ل وی دەمی دژی ڤەگوهاستنا بالیۆزخانەیا ئەمریکا یا ئسرائیلێ ژ تەلئەڤیڤێ بۆ ئۆرشەلیمێ ژی بوون و وان هزر دکر، دانا بریارێن ب وی رەنگی، دژی بەرژەوەندیێن ئەمریکا یە، لێ د ئەنجام دا دیار بوو کو ئەمریکا پێگەهێ خوە و هەڤپەیمانێن خوە پاراستییە.

بابه‌تێن ب ڤێ مژارێ ڤه‌ گرێدای