نڤیسینگەھا عەبدولمەھدی ناڤەرۆکا پرۆژەقانوونا نوو یا ھەلبژارتنان ئاشکرا کر

نڤیسینگەھا عەبدولمەھدی ناڤەرۆکا پرۆژەقانوونا نوو یا ھەلبژارتنان ئاشکرا کر

WAAR-دهۆك:

پەیڤدارێ نڤیسینگەھا عەبدولمەھدی، ناڤەرۆکا پرۆژەقانوونا نوو یا ھەلبژارتنان ئاشکرا کر و راگەھاند: پترییا بەرپرسێن نھا مافێ خوە بەربژارکرنێ نابیت و ژمارا پەڕلەمانتاران ژی دێ ھێت کێمکرن.
سەعد حەدیسی، پەیڤدارێ نڤیسینگەھا سەرۆکوەزیرێ ئیراقێ راگەھاند: پرۆژەقانوونا نوو یا ھەلبژارتنان ھاتییە بەرھەڤکرن و دێ بۆ پەڕلەمان ھێت ھنارتن، کو ل گۆرەی وێ پترییا بەرپرسێن نھا ژ سەرۆککۆمار و جێگرێن وی و وەزیر و بریکار و رێڤەبەرێن گشتی و پارێزگار و سەرۆک و ئەندامێن جڤاتێن پارێزگەھان، ل گەل دادوەر و سەرۆک و ئەندامێن دەستە و کۆمسیۆن و سازییێن بلند یێن حکومەتێ مافێ خوە بەربژارکرنێ نینە.
گۆت ژی: ل گۆرەی پرۆژەیێ نوو، ژمارا پەرلەمانتاران دێ بۆ دوسەد و پێنجی و ئێک پەرلەمانتاران ھێت کێمکرن، کو ژ وان ژی دێ پێنج ژ پێکھاتەیێن ئێزدی، شەبەک، فەیلی و سابئی و کرستیان بن.
ھەر ل گۆرەی پرۆژەیێ نوو، ئاوارەیان ماف ھەیە لجھێ لێ ھاتینە ئاکنجیکرن دەنگی بدەن، لێ دەنگێن وان دێ بۆ بازنەیێ دەڤەرێن وان یێن سەرەکی ڤەگەرن.

بابه‌تێن ب ڤێ مژارێ ڤه‌ گرێدای