نوونەرێ سیستانی: ئیراق ڤەناگەریت رەوشا بەری خوەنیشاندانان

نوونەرێ سیستانی: ئیراق ڤەناگەریت رەوشا بەری خوەنیشاندانان

WAAR-دهۆك:

نوونەرێ لێڤەگەرێ بلند یێ شیعەیان داخوازا قانوونەکا نوو بۆ ھەلبژارتنێن ئیراقێ کر و راگەھاند: ئیراق ڤەناگەریت رەوشا بەری خوەنیشاندانان.
عەبدولمەھدی کەربەلایی، نوونەرێ عەلی سیستانی، لێڤەگەرێ بلند یێ شیعەیێن ئیراقێ ئەڤرۆ د گۆتارا ئەینیێ دا راگەھاند: گەندەلی و خراپ بکارئینانا دەستھەلاتێ، وەلاتی نەچاری خوەنیشاندانان کرن و نھا ژی داخوازییێن خوەنیشاندەران د رەوا و جھێ خوە دانە، لێ چ داخوازییێن وان نەھاتینە بجھـئینان
نوونەرێ سیستانی ھۆشداری ژ دەستوەردانا دەرەکی دا و پەیامەک ژی ئاراستەیی دەستھەلاتا ئیراقێ کر و گۆت: بلا حکومەت ھزرنەکەت دێ ب رێیا گیرۆکرنێ خوە ژ داخوازییێن خوەنیشاندەران ڤەدزیت، بەرۆڤاژی بلا بۆ ھەموو ئالییان دیار ببیت کو ئیراق ڤەناگەریت رەوشا بەری خوەنیشاندانان.
سیستانی داخوازا قانوونەکا نوو بۆ ھەلبژارتنان کر، کو ببیتە ئەگەرێ ڤەگەراندنا باوەریا وەلاتییان و گۆت: کێشە تنێ دێ ب ھەلبژارتنەکا پاقژ چارەبن.

بابه‌تێن ب ڤێ مژارێ ڤه‌ گرێدای