نوونه‌رێ سیستانى: هنده‌ك ئالیێن ناڤخوه‌یى و ده‌ره‌كى ئیراقێ تێكدده‌ن

نوونه‌رێ سیستانى: هنده‌ك ئالیێن ناڤخوه‌یى و ده‌ره‌كى ئیراقێ تێكدده‌ن

WAAR-دهۆك:

نوونه‌رێ لێڤه‌گه‌رێ بلند یێ شیعه‌یێن ئیراقێ هۆشدارى ژ پشتگوهـخستنا داخوازییێن خونیشانده‌ران دا و راگه‌هاند: هنده‌ك ئالیێن ناڤخوه‌یى و ده‌ره‌كى كار بۆ تێكدانا ئیراقێ دكه‌ن.
عه‌بدولمه‌هدى كه‌ربه‌لایى، نوونه‌رێ عه‌لى سیستانى، لێڤه‌گه‌رێ بلند یێ شیعه‌یێن ئیراقێ ئه‌ڤرۆ د گۆتارا ئه‌ینیێ دا راگه‌هاند: داخوازییێن خوه‌نیشانده‌ران د ره‌وا و جهێ خوه‌دانه ‌و نابیت داخوازییێن وان بهێنه‌پشتگوهـخستن و ده‌لیڤه‌ بۆ چاكسازیێن بنگه‌هین مایه ‌و دڤێت حكومه‌ت ده‌مه‌كێ ده‌ستنیشانكرى بۆ بجهـئینانا هه‌موو داخوازییان دانیت.
نوونه‌رێ سیتانى هۆشدارى ژى دان، كو هنده‌ك ئالیێن ناڤخوه‌یى و ده‌ره‌كى یێن كو پشكا مه‌زن یا كێشه‌یێن نها یێن ئیراقێ بۆ وان ڤه‌دگه‌ریت، كار بۆ گهوهه‌رینا ئاراسته‌یا خوه‌نیشاندانان و تێكدانا ره‌وشا ئیراقێ دكه‌ن.

بابه‌تێن ب ڤێ مژارێ ڤه‌ گرێدای