نووری مالكی هۆشداریێن جه‌نگه‌كا مه‌زن ل ئیراقێ دان

نووری مالكی هۆشداریێن جه‌نگه‌كا مه‌زن ل ئیراقێ دان

WAAR-دهۆك:

سه‌رۆكێ ئێتێلافا ده‌وله‌تا قانوونێ ئه‌ڤرۆ راگه‌هاند؛ گه‌ر هێرشێن ئسرائیلێ د به‌رده‌وام بن، ئیراقێ دێ به‌رسڤه‌كا دژوار هه‌بیت.
نووری مالكی ئه‌ڤرۆ دیاركرییه‌، گه‌ر هێرشێن ئسرائیلێ ل سه‌ر ئیراقێ د به‌رده‌وام بن، ئیراق دێ بیته‌ مه‌یدانا جه‌نگه‌كا مه‌زن و د وێ جه‌نگێ دا پتری وه‌لاته‌كی دێ پشكداریێ تێدا كه‌ن، ژ وان كۆمارا ئیسلامییا ئیرانێ.
مالكی ئه‌و یه‌ك راگه‌هاند و هۆشداریێن به‌رسڤه‌كا دژوار دانه‌ ئسرائیلێ گه‌ر هاته‌ سه‌لماندن كو ئسرائیلێ كۆگه‌هێن حه‌شدا شه‌عبی ل ئیراقێ كربنه‌ ئارمانج.
ئه‌ڤ داخۆیانییا سه‌رۆكێ ئێتێلافا ده‌وله‌تا قانوونێ ل ده‌مه‌كی یه‌، دو مه‌زنه‌ به‌رپرسێن ئه‌مریكی دیاركرینه‌ كو ئسرائیلێ هێرشێن سه‌ر كۆگه‌هێن حه‌شدا شه‌عبی ل ئیراقێ كرینه‌.

بابه‌تێن ب ڤێ مژارێ ڤه‌ گرێدای