نوجێفی: دگه‌ل عه‌لاوی و عه‌بادی لسه‌ر هه‌لبژارتنێن پێشوه‌خت رێككه‌فتینه‌

نوجێفی: دگه‌ل عه‌لاوی و عه‌بادی لسه‌ر هه‌لبژارتنێن پێشوه‌خت رێككه‌فتینه‌

WAAR-دهۆك:

سه‌رۆكێ به‌ره‌یا رزگاری و گه‌شه‌پێدانا ئیراقی ئه‌ڤرۆ راگه‌هاند؛ ئه‌و دگه‌ل هه‌ر یه‌ك ژ مینبه‌را هه‌ڤپه‌یمانییا نه‌سر رێككه‌فتینه‌ هه‌لبژارتنێن پێشوه‌خت پشتی ژكارلادانا حكومه‌تا عه‌بدولمه‌هدی بهێنه‌ كرن.
ئوسامه‌ نوجێفێ سه‌رۆكێ به‌ره‌یا رزگاری و گه‌شه‌پێدانا ئیراقێ رادگه‌هینیت؛ رێككه‌فتنه‌ك ل ناڤبه‌را ته‌ڤگه‌را وان و هه‌ر یه‌ك ژ ئه‌یاد عه‌لاوی سه‌رۆكێ مینبه‌را ئیراقی، حه‌یده‌ر عه‌بادی سه‌رۆكێ هه‌ڤپه‌یمانییا نه‌سر هاتییه‌ كرن كو كار بۆ هه‌لبژارتنێن پێشوه‌خت پشتی ژ كارلادانا حكومه‌تا عادل عه‌بدولمه‌هدی بهێت كرن.
نوجێفی دبێژیت: ئه‌و دگه‌ل هه‌ر یه‌ك ژ عه‌لاوی و عه‌بادی رێككه‌فتینه‌ كو ب هه‌موو هێز و شیانه‌كێ كاری ژ بۆ دامه‌زراندنا حكومه‌ته‌كا به‌روه‌خت بكه‌ن، حه‌تا وی ده‌مێ حكومه‌ته‌كا نشتیمانی پشتی هه‌لبژارتنان دهێت پێكئینان.
ب گۆتنا ئوسامه‌ نوجێفی، ئه‌ڤ رێككه‌فتنا وان ژ بۆ راسته‌رێكرن و چاكسازییا سیاسی یه‌ ل ئیراقێ، هه‌روه‌ها به‌رهه‌نگاربوونا هه‌موو جۆرێن گه‌نده‌لیێ ل وه‌لاتێ.

بابه‌تێن ب ڤێ مژارێ ڤه‌ گرێدای