نه‌سر: چ رێككه‌فتن ل سه‌ر جێگرێ سه‌رۆككۆماری نینن

نه‌سر: چ رێككه‌فتن ل سه‌ر جێگرێ سه‌رۆككۆماری نینن

WAAR-دهۆك:

هه‌ڤپه‌یمانییا نه‌سر ئه‌ڤرۆ راگه‌هاند؛ تا نها ئالیێن سیاسی یێن ئیراقێ چ رێككه‌فتن ل سه‌ر پۆستێ جێگرێ سه‌رۆكێ كۆمارا ئیراقێ نه‌كرینه‌، پشتی كو نووری مالكی راگه‌هاندی ئه‌و دێ وی پۆستی وه‌رگریت.
هه‌ڤپه‌یمانییا نه‌سر یا حه‌یده‌ر عه‌بادی، سه‌رۆكێ وه‌زیرێ به‌رێ یێ ئیراقێ، ئه‌ڤرۆ ل سه‌ر زارێ په‌رله‌مانتاره‌كێ خوه‌ دیار كر؛ ئالیێن سیاسی تا نها چ رێككه‌فتن ل سه‌ر پۆستێ جێگرێ سه‌رۆكێ كۆمارا ئیراقێ نه‌كرینه‌، چ كه‌س ژی بۆ وی پۆستی نه‌هاتینه‌ به‌ربژاركرن.
دیار ژی كر؛ پۆستێ جێگرێ سه‌رۆكێ كۆمارێ، پشتی ئێكلاكرنا دۆسه‌یێن پله‌یێن تایبه‌ت و لێپرسینێن چاڤه‌رێكری د گه‌ل وه‌زیری و به‌رپرسان دا، دێ هێت ئێكلاكرن.
نووری مالكی، سه‌رۆكێ ئێتێلافا ده‌وله‌تا قانوونێ ل مه‌ها بۆری راگه‌هاندبوو؛ ئالییێن سیاسی رێككه‌فتینه‌ ئه‌و پۆستێ جێگرێ سه‌رۆكێ كۆمارا ئیراقێ وه‌ربگریت.

بابه‌تێن ب ڤێ مژارێ ڤه‌ گرێدای