ناڤخوە یا ئیراقێ کۆمبوونا د گەل شاندا ھەرێمێ دا ب بەرھەمدار ناڤکر

ناڤخوە یا ئیراقێ کۆمبوونا د گەل شاندا ھەرێمێ دا ب بەرھەمدار ناڤکر

WAAR-دهۆك:

پەیڤدارێ وەزارەتا ناڤخوە یا ئیراقێ کۆمبوونا شاندا حکومەتا ھەرێمێ د گەل وەزیرێ ناڤخوە یێ ئیراقێ ب بەرھەمدار ناڤکر.
ل گۆرەیی زانیاریێن وار، شاندا ھەرێما کوردستانێ کو ژ کەریم شنگالی وەزیرێ ناڤخوە و مەولود باوە ‌موراد وەزیرێ ڤەگوھاستنێ پێکھاتییە، ل بەغدا د گەل قاسم ئەعرەجی وەزیرێ ناڤخوەیا ئیراقێ کۆمبوویە و باس ل ڤەکرنا فرۆکخانەیێن ھەرێمێ و چەوانییا برێڤەبرنا دەریێن سنۆری کرییە.
سەعەد مەعەن پەیڤدارێ وەزارەتا ناڤخوە یا ئیراقێ د بەیاننامەیەکێ دا گۆت: کۆمبوونا شاندا ھەرێمێ ب سەرۆکاتییا کەریم شنگالی وەزیرێ ناڤخوە یێ ھەرێمێ د گەل قاسم ئەعرەجی وەزیرێ ناڤخوە یێ ئیراقێ یا بەرھەمدار بوو.
دوپاتکر کو شاندا ھەرێمێ لێکتێگەھشتنەکا رووھن بۆ چارەکرنا کێشەیان ل گۆرەیی دەستوورێ ئیراقێ ھەبوو و گۆت ژی: ھەبوونا گەلەک کێشەیان ژبەر نەبوونا دانوستاندنێن راستەقینەبوویە.
حکومەتا ئیراقێ لژنەیەک ب سەرۆکاتییا مەھدی عەلاق ئەمیندارێ گشتی یێ جڤاتا وەزیران بۆ کۆمبوونێ دگەل شاندا ھەرێمێ پێکئینایە و ئەڤرۆ شاندا ھەرێمێ دێ ژمارەیەکا کۆمبوونان دگەل وێ لژنێ کەت.
پشتی رێفراندۆما سەرخوەبوونا کوردستانێ و سزادان و دۆرپێچکرنا ھەرێمێ ژ ئالیێ بەغدا ڤە، ھەرێم و بەغدا چەندین کۆمبوون ل سەر ئاستێ سەربازی کرینە، لێ ل سەر ئاستێ سیاسی ئەڤە ئێکەم کۆمبوونا فەرمی یە د ناڤبەرا ھەردو ئالییان دا دھێتە کرن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.