مەلاق بەڵا و موسیبەتن

مەلاق بەڵا و موسیبەتن

عدنان محمدتاھر زێباری

مەلاق ئەو کەسێن دوروی و بێ کەرامەتن ناڤا کومەڵگەھی دا کە بەردەوام بەژن و باڵا کەسانەکێ دبێژن بۆ گەھشتن ئامانجا خوە، چ تشتەکێ وەکی خوە نائێخن ناڤا قەبارێ وێ درست دا، ئەڤ ئامانجە کە پێک دھێت ژ کومەکا بەرژوەندییێن کەسی یێن پیس، ئەڤ جورێن بەرژوەندییا ژ کەسەک بۆ کەسەکێ دی جودانە .
زۆربوونا کەسێن مەلاق ئەڤرۆ دا یا بوویە بازارەکێ گەرم، بەریکانێ یا دروست بی کە ھەر کەسەک زێدەتر کوێلاتییێ بکەت، ئەڤ کەسە یێن بیە جۆرەکێ ژەھرێ ئێکەم جار بۆ ھاوڵاتیان و ھەم دیسان بۆ وی کەسی مەلاقییێ بوو دکەن. ئەوا بۆ خەلکی جھێ زەرەر و زیانێ ئەوە ئەڤ کەسێ مەلاقیێ دکەت یێ بوویە رێگر بۆ ھندێ دەنگێ راستی و گازندە ب قەبارێ دروست وەکی خوە نەگەھیت، خەم نینە ھاوڵاتی نقومێ دەرییا نەخۆشییێ بیت، بەلکی ھەردەم وەڵاتی شاما شەریف ناڤ دبەن، دەنگێ خەلکێ رەخنەگر و نیشتیمان پەروەر رێز لێ ناھێت گرتن بەلکی ھندەک جار خائین دێ ناڤ دبەن! ب تنێ ژ بەر ھندێ کە زۆر جار بیروبۆچوونەکا جودا ھەیە، ئەوا بۆ بەرپرسا بیە زەرەر و زیان کە رەنگە زۆر کەس ھەست ب ڤێ ژەھرا دەمدرێژ نەکەن. ئەویش زۆر بەرپرس دەست پێکا دەست بکاربینا خوە کەسەکێ باشە لێ ئەڤ کەسێن نزیک و مەلاقی دکەن پاشەرۆژێ ھنگڤینەکێ ژەھر کرینە بۆ وان، ئەزبەنی و ئەزخولام کوچک و دیوان گەرم کرینە بۆ ھندێ سیدا کەیڤ خۆش بیت، ب جۆرەکێ وەسا نیشان ددەن کە ژ بلی ئاخفتن و بریارا وی کەسێ دی نیە تەنانەت ئەگەر چەندێ خەلەت بیت، یا ھەمییێ خرابتر زۆر کەسێن زانا و خودان باورنامێن بەرز یێت کەفتی ڤێ پیچاتییێ دا بۆ ھندێ خوە قەلەو بکەن، ئەڤ کەسە یێت بیە ئێشەکا گڕان، بۆ ھندێ بگەھن ھیڤیا خوە ب جورەکێ خوە شرین دکەن و خوە نیشان ددەن کە ئەم دلسوزین لێ تەنانەت چ جارەکێ نەشێن خوە رەخنەکا ئاڤاکەر بگرن بۆ ھندێ ھەر تشت باشتر بکەن، دیماھیکێ دێ سەرێ کابرای گەرم کەن ھەتا توشی غروری دھێت، ب ڤێ دێ وەڵات توشی دیکتاتۆریێ بیت، وەڵات بەرەڤ قەیران دیڤ قەیرانێن بێ دیماھیک و بێ چارەسەر دچیت.
پێدڤیە بەرپرس چاکسازیەکێ بەر دەرگەھێ خوە بکەن، دڤێت رێزێ ل کەسێن رەخنەگر بگرن و ئاخفتن و پرۆژەیێ وان سەنگی وەربگرن، ئێدی بلا وێڤە ئەم مەلاقا بترسین و بزانین ئەو بەڵانە وەڵاتی.

بابه‌تێن ب ڤێ مژارێ ڤه‌ گرێدای