مەسەدە: پێدڤی یە ئەورۆپی ل ھەمبەر تورکیا توندتر بن

مەسەدە: پێدڤی یە ئەورۆپی ل ھەمبەر تورکیا توندتر بن

WAAR-دهۆك:

ھەڤسەرۆکا دەستەیا جێبجێکار یا جڤاتا سووریایا دیمۆکراتیک راگەھاند؛ گەر وەلاتێن ئەورۆپی ل ھەمبەری تورکیا تۆندتر نەبن، دێ چاڤەرێی پێلەکا تیرۆرستێن داعشێ بن.
ئیلھام ئەحمەد، ھەڤسەرۆکا جێبجێکار یا مەسەدێ د پەیامەکێ دا بۆ ئێکەتییا ئەورۆپا راگەھاند؛ پێدڤی یە وەلاتێن ئەندام ل ھەمبەر تورکیا تۆندتر بن، گەر نە دێ چاڤەرێی پێلەکا تیرۆرستێن داعشێ بن کو ئەنقەرە ل بەرە بۆ بھنێریت.
ئاماژە ژی دا: ژ بەر خوه‌ڤەکێشانا هێزێن ئەمریکا و ھێرشا تورکیا ل سه‌ر رۆژئاڤایێ کوردستانێ، ھەژمارەکا تیرۆرستێن داعشی ژ زیندانان رەڤینە و ئەو دخوازن ڤەگەرن وەلاتێن خوە و بەردەوامییێ ب کریارێن خوە یێن تیرۆرستی بدەن و گۆت: ئەو کارێ تورکیا دێ ل سەر ھەموو وەلاتێن ئەورۆپی بیتە گەف، تایبەت بریتانیا.
دوھی سولەیمان سویلۆ، وەزیرێ ناڤخوە یێ تورکیا راگەھاندبوو؛ ئەو دێ ل دوشەمبییا بھێت دەست ب ھنارتنا داعشییان بۆ وەلاتێن وان کەن، گەر ھندەک وەلاتێن ئەورۆپی رەگەزنامەیێن وان ژی ھەلوەشاندبن، دێ ھەر بۆ ھنێرن. ب گۆتنا سویلۆی نھا ھزار و سەد و چل و نەھـ داعشییێن ئەورۆپی د زیندانێن تورکیا دا نە.

بابه‌تێن ب ڤێ مژارێ ڤه‌ گرێدای