مەسروور بارزانی: پێدڤی یە بریتانیا رۆل د ئارامکرنا ئیراقێ دا هەبیت

مەسروور بارزانی: پێدڤی یە بریتانیا رۆل د ئارامکرنا ئیراقێ دا هەبیت

WAAR-دهۆك:

راوێژکارێ ئاساییشا هەرێما کوردستانێ ل گەل شاندەکا بریتانی کۆم بوو و ژێ خواست، لەندەنێ رۆل د چارەکرنا کێشەیێن ئیراقێ دا هەبیت.
مەسروور بارزانی، راوێژکارێ ئاساییشا هەرێما کوردستانێ ئەڤرۆ ل گەل شاندەکا بریتانی ب سەرۆکاتییا جۆن ویلکس، بالیۆزێ بریتانیا ل ئیراقێ کۆم بوو و باس ل هەماهەنگییا پێدڤی بۆ رووبرووبوونا تیرۆرێ و رەوشا خراب یا شنگال و کەرکووک و دەڤەرێن دی یێن کوردستانی یێن ل ژێر ئیدارەیا بەغدایێ کر.
راوێژکارێ ئاساییشا هەرێمێ ژ شاندا مێهڤان خواست، بریتانیا رۆلێ خوە یێ بهێز ل ئیراقێ بۆ چارەکرنا کێشەیان و ئارامکرنا دەڤەرێ بکار بینیت.
بالیۆزێ بریتانیا ژی، بەرهەڤییا وەلاتێ خوە بۆ پێشڤەبرنا پەیوەندییێن ل گەل هەولێرێ نیشان دا و پەسنا پێشکەفتنێن سالێن بووری یێن هەرێما کوردستانێ دا.

بابه‌تێن ب ڤێ مژارێ ڤه‌ گرێدای