مەدیایێن ئەمریکی: پۆمپیۆی ل بەرە دەستژکاربکێشیت

مەدیایێن ئەمریکی: پۆمپیۆی ل بەرە دەستژکاربکێشیت

WAAR-دهۆك:

مەدیایێن ئەمریکا بەلاڤکرییە کو مایک پۆمپیۆ وەزیرێ دەرڤەیێ ئەمریکا ل بەرە دەستژکارکێشانا خوە رابگەھینیت.
لگۆر مەدیایێن ئەمریکی، مایک پۆمپیۆیی گۆتییە سی بەرپرسێن نێزیکی خوە کو وی دڤێت دەست ژکار بکێشیت وەک وەزیرێ دەرڤەیێ ئەمریکا خوە بۆ ھەلبژارتنێن جڤاتا پیران ژ ویلایەتا کانساس بەربژار بکەت.
وان مەدیایان بەلاڤ ژی کرییە، نھا لێکۆلینەکا ھوور لگەل پۆمپیۆیی دھێتە کرن ژ بەر ئاگەھبوونا وی ژ پەیوەندییا تێلەفۆنی یا د ناڤبەرا ترامپ و سەرۆکێ ئۆکراینا دا و دایە زانین کو وەزیرێ دەرڤەیێ ئەمریکا دخوازیت کو ژ کێشەیێن ئێدارەیا ترامپی دووربێخیت.
ئەگەر پۆمپیۆیی دەستژکارکێشانا خوە راگەھاند دێ بیتە بەرپرسێ حەفتێ یێ د ئیدارەیا ترامپی دا دەستژکارکێشانا خوە رادگەھینیت یان دھێتە ژکارلادان.

بابه‌تێن ب ڤێ مژارێ ڤه‌ گرێدای