مه‌سروور بارزانی پێشوازی ل نادیه‌ موراد كر

مه‌سروور بارزانی پێشوازی ل نادیه‌ موراد كر

WAAR-دهۆك:

شیره‌تكارێ جڤاتا ئاسایشا هه‌رێما كوردستانێ، ل گه‌ل نادیا موراد هه‌لگرا خه‌لاتێ نۆبلا ئاشتیێ كۆمبوو و راگه‌هاند؛ ئێزدی پشكه‌كا ره‌سه‌ن یا گه‌لێ كوردستانێ نه‌ و دێ هه‌موو بزاڤان بۆ ئاساییكرنا ره‌وشا شنگالێ كه‌ن.
مه‌سروور بارزانی ئه‌ڤرۆ ل هه‌ولێرێ، پێشوازی ل نادیه‌ موراد كر و پیرۆزباهییا وه‌رگرتنا خه‌لاتێ نۆبلا ئاشتیێ لێ كر و داخواز ژێ كر، شیانێن خوه‌ بۆ گه‌هاندنا نه‌هامه‌تیێن ئێزدییان و دابینكرنا خزمه‌تگوزارییێن ئاواره‌ و په‌نابه‌ران، بكاربینیت.
مه‌سروور بارزانی هه‌لوه‌ستێ خوه‌ ژی ل دۆر پاراستن و رۆلێ ئێزدییان نیشاندا و گۆت: ئێزدی پشكه‌كا ره‌سه‌ن یا گه‌لێ كوردستانێ نه‌ و د چارچووڤێ حكومه‌تا نوو یا هه‌رێمێ دا، دێ ب هاریكارییا ئالیێن فه‌رمی هه‌موو بزاڤان بۆ ئاساییكرنا ره‌وشا شنگالێ كه‌ن.
نادیا مورادێ ژی، سوپاسییا هاریكاری و پشته‌ڤانییا به‌رده‌وام یا حكومه‌تا هه‌رێما كوردستانێ و سازیێن ئێمناهیێ، د پاراستن و د هه‌وارچوونا ئێزدییان دا كر و راگه‌هاند؛ دێ هه‌موو بزاڤان كه‌ت، نه‌هامه‌تیێن ئێزدییان بگه‌هینیت جڤاكا نێڤده‌وله‌تی.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.