مانگرتنا گشتی ل 4 پارێزگه‌هێن ئیراقێ ده‌ست پێ كر

مانگرتنا گشتی ل 4 پارێزگه‌هێن ئیراقێ ده‌ست پێ كر

WAAR-دهۆك:

مانگرتنا گشتی و بایكوتا كاری و ده‌واما سازیێن ده‌وله‌تێ ل 4 پارێزگه‌هێن ئیراقێ ده‌ست پێ كرییه‌ و داخواز دهێت كرن، مانگرتنا سه‌رانسه‌ری بیت و هه‌موو پارێزگه‌ها ب خوه‌ڤه‌ بگریت.
ئه‌ڤرۆ رۆژا ئێكشه‌مبێ و ل سه‌ر داخوازا موقته‌دا سه‌در رێبه‌رێ ره‌وتا سه‌دری، مانگرتنا گشتی ل هه‌ر یه‌ك ژ پارێزگه‌هێن بابل، میسان، واست و زیقار ده‌ستپێكر وه‌ك بزاڤه‌كێ ژ بۆ زێده‌كرنا فشارا ل سه‌ر حكومه‌تێ كو ده‌ست ژ كار بكێشیت.
ل به‌غدا و چار پارێزگه‌هێن دی یێن باشۆر و ناڤه‌رست ئاماده‌كاریێن مانگرتنا گشتی و بایكۆتا ده‌وامێن سازیێن حكومه‌تێ، زانكو و خواندنگه‌هان دهێت كرن.
خوه‌نیشانده‌رێن ئیراقێ ل ته‌ڤاهیا پارێزگه‌هان پێشوازی ل داخوازا سه‌دری یا راگه‌هاندنا مانگرتنێ كرینه‌، وه‌زاره‌تا خواندنا بلند ژی داخواز كریه‌ كو فێرخواز پابه‌ندی ده‌وامێن خوه‌ ببن.

بابه‌تێن ب ڤێ مژارێ ڤه‌ گرێدای