لێپرسینا ڤه‌كری ل دۆر ژێستاندنا باوه‌ریێ ژ ترامپی ده‌ست پێ كر

لێپرسینا ڤه‌كری ل دۆر ژێستاندنا باوه‌ریێ ژ ترامپی ده‌ست پێ كر

WAAR-دهۆك:

پرۆسه‌یا لێپرسینا ڤه‌کری و لێکۆلینێن ئاشکرا ل دۆر سه‌رۆکێ ئه‌مریکا ئه‌ڤرۆ هاته‌ ده‌ست پێ کرن و ئه‌مریکا و هه‌می جیهان دێ شێت وان لێپرسینان بینیت.
لێکۆلینێن که‌یسا ژێستاندنا باوه‌ریێ ژ دۆنالد ترامپی به‌ری نها ل پشت ده‌رگه‌هێن گرتی دهاته‌ کرن لێ ئه‌ڤرۆ بۆ ئێکه‌م جار لێپرسین دێ ب ڕه‌نگه‌کێ ئاشکرا ل کۆنگرێسی بیت، خه‌لکێ ئه‌مریکا ب خوه‌ دێ گوهداری دیده‌ڤانان که‌ن و دێ شێن بریارێ ده‌ن کا کارێن ترامپی کرین ژ هه‌ژی ژێستاندنا باوه‌ریێ نه‌ یان نه‌.
ویلیام ته‌یله‌ر كو هنارتیێ ئه‌مریکا ل ئوکراینایه‌ و جۆرج کێنت جێگرێ هاریکارێ وه‌زیێ ده‌رڤه‌ یێ ئه‌مریکایه‌، لێپرسین دێ ژ وان هه‌ردویان ده‌ست پێ که‌ت.
لێپرسین و لێکۆلین هاتنه‌ رۆژه‌ڤێ پشتی به‌رپرسه‌کی گازنده‌ کرین کو ترامپی ل ده‌مێ په‌یوه‌ندیه‌کا تێله‌فۆنی بۆ سه‌رۆکێ نوو یێ ئوکراینا کری گڤاش ل وی کربوون کو ژ ئالیێ سیاسی ڤه‌ هاریکاریا وی بکه‌ت، ترامپی وێ یه‌کێ ڕه‌ت دكه‌ت.

بابه‌تێن ب ڤێ مژارێ ڤه‌ گرێدای