لژنەیا لێکۆلینا خوەنیشاندانان راپۆرتا دوماھیێ رادەستی عەبدولمەھدی دکەت

لژنەیا لێکۆلینا خوەنیشاندانان راپۆرتا دوماھیێ رادەستی عەبدولمەھدی دکەت

WAAR-دهۆك:

لژنەیا لێکۆلینێ ل دۆر بوویەرێن خوەنیشاندانێن ئیراقێ دیارکر: دێ راپۆرتا دوماھیێ ل چەند ساتێن بھێت رادەستی سەرۆکوەزیرێ ئیراقێ کەن.
لژنەیا وەزاری یا بلند لدۆر لێکۆلینێ ل بوویەرێن خوەنیشاندانێن ئیراقێ د بەیاننامەیەکێ دا راگەھاند: ئەوان تەماشەی راپۆرت و گرتە ڤیدیۆیێن ل دۆر روودان و بوویەرێن خوەنیشاندانان و کوشتنا رێژەیا مەزن یا خوەنیشاندەران کرییە و بزاڤکرییە راپۆرتەکا بەرفرەھـ ل سەر ھەمی وان ھوورکاتییان بەرھەڤ بکەن.
دیار ژی کر: ل چەند ساتێن بھێت دێ راپۆرتا دوماھیێ رادەستی عادل عەبدولمەھدی سەرۆکوەزیرێ ئیراقێ کەن.
ئەڤە د دەمەکی دایە ھێز ئالیێن سیاسی یێن ئیراقێ چەندین جارە داخوازێ ژ سەرۆکوەزیران دکەن ھوورکاتیێن لێکۆلینان بۆ رایا گشتی رابگەھینن و دیار دکەن کو پێدڤییە خەلک بزانن کی بوون ئەگەرێن کوشتنا خوەنیشاندەران یێن کو ھەژمارا وان گەھشتییە نێزیکی سەد و شێست کەسان و پتری شەش ھزار بریندار ژی ھەبوون.

بابه‌تێن ب ڤێ مژارێ ڤه‌ گرێدای