لبنان.. خوەنیشاندان دژی بریارا زێدەکرنا باجێ ھاتنە کرن

لبنان.. خوەنیشاندان دژی بریارا زێدەکرنا باجێ ھاتنە کرن

WAAR-دهۆك:

خەلکێ لبنانێ شڤێدی خوەنیشاندانێن مەزن دژی بریارا حکومەتێ یا دانا باجێ ل سەر پەیوەندیێن ئێنتەرنێتێ کرن و ھژمارەکا خەلکی بریندار بوون.
حکومەتا لبنانێ بریاردا ژ بەر قەیرانا ئابۆری یا ئەو وەلات یدا دەرباز د بیت، باجێ ل سەر پەیوەندیێن بێ بەرامبەر یێن ئێنتەرنێتێ یێن مینا واتسئاپی و فەیسبۆکی، ھەروەھا دانا باجێ ل سەر تووتن و پانزینێ زێدە بکەن، ڤێ یەکێ خەلکێ لبنانێ تورە کر و ب ھزاران خەلکێ شڤێدی ل بەیرۆتێ و چەندین باژارێن دی دژی وێ بریارێ دەرکەفتنە سەر جادەیان و ل ھەمبەر ئاڤاھیێن حکومەتێ خوەنیشاندان کرن.
خەلکی بزاڤ کرن دەربازی ئاڤاھیێن حکومەتێ ببن و شەروئالۆزی د ناڤبەرا وان و ھێزێن ئەمنی دا چێبوون و نێزیکی شێست پۆلیسان بریندار بوون و ھژمارەکا خەلکی ژی بریندار بوو.
وەزیرێ پەیوەندیێن لبنانێ راگەھاند کو ب بریارا سەعەد حەریری، سەرۆکێ وەزیران، باج ل سەر پەیوەندیێن واتسئاپی ھاتیە راکرن، لێ خوەنیشاندانێن خەلکی بەردەوامن و ئەڤرۆ سپێدی ژی شەروئالۆزی چێبووینە.

بابه‌تێن ب ڤێ مژارێ ڤه‌ گرێدای