لاڤرۆڤ: ئه‌مریكا بزاڤا جوداكرنا رۆژهه‌لاتێ سووریێ ژ سووریێ دكه‌ت

لاڤرۆڤ: ئه‌مریكا بزاڤا جوداكرنا رۆژهه‌لاتێ سووریێ ژ سووریێ دكه‌ت

WAAR-دهۆك:

وه‌زیرێ ده‌رڤه‌ یێ رۆسیا ئه‌ڤرۆ ئه‌مریكا ب وێ یه‌كێ سووچباركر كو بزاڤا ئاڤاكرنا نیڤده‌وله‌ته‌كێ ل رۆژهه‌لاتێ سووریێ دكه‌ت بۆ كۆنترۆلكرنا وێ ده‌ڤه‌را ب په‌ترۆلێ زه‌نگین.
سێرگی لاڤرۆڤی ئه‌ڤرۆ راگه‌هاند، ئه‌مریكا ب پشتبه‌ستن ل سه‌ر هه‌سه‌دێ و به‌په‌گێ بزاڤێ دكه‌ت نیڤده‌وله‌ته‌كێ ل سه‌ر رووبارێ فراتی ل رۆژهه‌لاتێ سووریێ دروست كه‌ت، دا وێ ده‌ڤه‌را كو ب په‌ترۆلێ زه‌نگینه‌ كۆنترۆل كه‌ت و ژ سووریێ جودا كه‌ت، بۆ وێ مه‌ره‌مێ داخوازا وه‌به‌رهێنانێ ژ وه‌لاتێن كه‌نداڤی دكه‌ت .
ئه‌مریكا بریارا ڤه‌كیشانا هه‌می هێزێن خوه‌ كو پتری هزار و دوسه‌د سه‌ربازان بوون ژ سووریێ دابوو لێ نها بریار دایه‌ پتری شه‌ش سه‌د سه‌ربازان بهێلیت بۆ پاراستنا په‌ترۆلا رۆژهه‌لاتێ سووریێ.
لاڤرۆڤی ئه‌مریكا ب هێلانا كوردان سووچبار كر و گۆت: رۆسیا هێرشا توركیا بۆ سه‌ر كوردان په‌سه‌ند نه‌كر به‌لكو ئه‌مریكا ئه‌و هێرش په‌سه‌ند كر و كورد هێلان، ئه‌مریكا گۆت ئێدی وێ چ پێگیری هه‌مبه‌ری وان نینه‌ لێ ژبۆ په‌ترۆلێ نه‌ ژبه‌ر خاترا كوردان ڤه‌گه‌ریا سووریێ.

بابه‌تێن ب ڤێ مژارێ ڤه‌ گرێدای