كۆنگرێسمانه‌ك: سه‌ره‌دانا ئه‌ردۆگانی ئه‌م دلگران كرینه

كۆنگرێسمانه‌ك: سه‌ره‌دانا ئه‌ردۆگانی ئه‌م دلگران كرینه

WAAR-دهۆك:

سه‌ره‌دانا ئه‌ردۆگانی بۆ ئه‌مریكا هه‌ژماره‌كا ئه‌ندامێن كۆنگرێسی دلگران كرینه و ئێك ژ وان خواست سزا ل سه‌ر توركیا بهێنه‌ سه‌پاندن و ناتۆ ژی پێداچوونێ د ئه‌ندامه‌تییا وێ دا بكه‌ت.
هه‌ژماره‌كا ئه‌ندامێن جڤاتێن نوونەر و پیرێن ئەمریکا یێن سه‌ر ب کۆنگرێسێ ڤه‌ دلگرانییا خوه‌ ژ سه‌ره‌دانا سه‌رۆكێ توركیا ره‌جه‌ب ته‌یب ئه‌ردۆگانی بۆ واشنتۆنێ راگه‌هاندن، شیلا جاكسۆن لییێ د داخویانییه‌كێ دا گۆت: ئه‌ردۆگانی توركیا كرییه‌ دیكتاتۆرییه‌ت و هاتنا وی بۆ ئه‌مریكا ئه‌و دلگران كرییه‌.
ئه‌ندامێ جڤاتا نوونەران سێت مۆلتۆنی ژی ژ ئالییێ خوه‌ ڤه‌ گۆت: ره‌فتارێن ئه‌ردۆگانی به‌روڤاژی وان ئازادییانه‌ یێن ئه‌مریكا كار بۆ پاراستنا وان دكه‌ت، دڤێت ئه‌و رووبرووی وی بن و زێده‌گاڤییێن وی ژی رابوه‌ستینن.
ئه‌ندامێ دی یێ جڤاتا نوونەران رۆبێن گاليگۆی ژی خواست سزا ل سه‌ر توركیا بهێنه‌ سه‌پاندن و ناتۆ ژی پێداچوونێ د ئه‌ندامه‌تییا ئه‌نقه‌ره‌یێ د هه‌ڤپه‌یمانییا باكۆرێ ئه‌تله‌سی دا بكه‌ت.
هەڤدەمی نەرازیبوونا کۆنگرێسمانان ل واشنتۆن رێکخستن بۆ خوەنیشاندانان هاتییە کرن و پێشبینی دهێتە کرن هەڤدەمی کۆمبوونا ترامپی و ئەردۆغانی، خوەنیشاندان ل نێزیک کۆچکا سپی هەبن.

بابه‌تێن ب ڤێ مژارێ ڤه‌ گرێدای