كۆمه‌ل ئه‌ڤرۆ دێ بریارا پشكدارییا خوه‌ یا حكومه‌تێ گه‌هینیت پارتی

كۆمه‌ل ئه‌ڤرۆ دێ بریارا پشكدارییا خوه‌ یا حكومه‌تێ گه‌هینیت پارتی

WAAR-دهۆك:

كۆمبوونێن پێكئینانا حكومه‌تا نوو یا هه‌رێما كوردستانێ به‌رده‌وامن و ئه‌ڤرۆ، شاندا پارتی دیمۆكراتی كوردستانێ سه‌ره‌دانا حزبا سۆسیالیست كر و بریاره‌ كۆمه‌لا ئیسلامی ژی سه‌ره‌دانا پارتی بكه‌ت.
ئەرشەد شوانی، پەیامنێرێ وار ل ھەولێرێ راگه‌هاند، ئەڤرۆ سه‌عه‌ت ده‌هی سپێدێ شانده‌كا پارتی ب سه‌رۆكاتییا هشیار زێباری، سه‌ره‌دانا حزبا سۆسیالستا دیمۆکراتا کوردستانێ كر و پێکئینانا كابینه‌یا نه‌هێ یا حكومه‌تا ھەرێمێ گۆتوبێژ كر.
گۆت ژی: بریاره‌ ئه‌ڤرۆ شاندەکا بلند یا جڤاتا سیاسی یا کۆمەلا ئیسلامی، سەرەدانا مەکتەبا سیاسی یا پارتی ل پیرمام بکەت و كۆمه‌ل دێ بەرسڤا دوماھیێ ل دۆر پشکدارییا خوە د روونشتنا ھەژدەی ڤێ مەھێ یا پەرلەمانێ کوردستانێ و ئۆپۆزسیۆنبوون یان ئۆپۆزسیۆننەبوونا خوە د حکومەتێ دا دەتە پارتی.
پەیامنێرێ وار دا زانین ژی: کۆمبوونا پارتی و کۆمەلێ پشتی سەرەدانا دوماھیێ یا پارتی بۆ کۆمەلا ئیسلامی دھێت کو تێدا دوپاتی ل ئاساییکرنا پەیوەندییان هاتبوو كرن.

بابه‌تێن ب ڤێ مژارێ ڤه‌ گرێدای