قەتەرێ داخواز ژ ھەرێم و ئیراقێ کر ب دانوستاندنان ئالۆزییان چارە بکەن

قەتەرێ داخواز ژ ھەرێم و ئیراقێ کر ب دانوستاندنان ئالۆزییان چارە بکەن

WAAR-دهۆك:

میرێ قەتەرێ پشتەڤانییا خوە بۆ ئێکپارچەییا ئاخا ئیراقێ راگەھاند و داخواز ژ بەغدا کر، ب دانوستاندنان ئالۆزیێن خوە د گەل ھەرێمێ چارە بکەت.
شێخ تەمیم بن حەمەد ئال سانی، میرێ قەتەرێ د ڤەکرنا خولا چل و شەشێ یا جڤاتا شورا یا وەلاتێ خوە دا گۆت: دەوحە پشتەڤانییا ئێکرێزی و سەروەرییا ئیراقێ دکەت و دخاوازێ ژ بەرپرسێن ھەرێم و ئیراقێ دکەین، ب رێیا دانوستاندنان ھەموو ئالۆزیێن خوە چارە بکەن. ھەروەسا گۆت: ئەو دخوازن رەھێن تیرۆرێ و ترسا وان ل ھەموو ئیراقێ ب داوی بھێت.
شێخ تەمیم گۆت ژی: ھەر ژ دەستپێکا دۆرپێچا ل سەر قەتەرێ، وەلاتێ وی سیاسەتا خوە ئارامکرنێ ل ھەمبەر تۆمەتێن وان وەلاتان بکار ئینایە.
ھەروەسا گۆت: پشتی وەلاتێن عەرەبی دۆرپێج دانایە سەر وەلاتێ وی، پەیوەندیێن وان د گەل وەلاتێن زلھێز باشتر بووینە و دەوحە ژ دۆرپێچا وەلاتێن عەرەبی ناترسیت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.