قوتابی چەپەرێ بەرگری و مسۆگەریا بەردەوامیێ

قوتابی چەپەرێ بەرگری و مسۆگەریا بەردەوامیێ

سەربەست خالد کۆچەر

قوتابی چەپەرێ بەرگری و مسۆگەریا بەردەوامیێ قوتابیان، ڤەژاندن و خورتکرن و کاراکرنا هەر کۆمەلگەه و وەلاتەکێ نە، خودان ئەزمووندارترین سەربۆر و کەرتێ دەولەمەندێ وەلاتینە. زانست و خەباتا قوتابیان د هەموو چاخ و فەرهەنگ، شارستانیەتان، بزاڤێن سیاسی و نەتەوەی و جڤاکی رۆلێ خوە یێ مێژووی هەبوویە. کو ئەو توێژا گورانکار بوویە تایبەت ژ رویێ فکری و بنیات دانانا هزرەکا ساخلەم، کو سەکتەرێن ب هێز یێن دەولەتێ ل سەر کەد و زانست و زانینا ڤێ توێژا زەنگین هاتیە ئاڤاکرن. هونەر و سیمایێ پێشکەفتنا شارستانی و ئاڤەدانی، کۆمەلگەه وبەرەبابەکێ جوان و تەندرۆست ب خۆڤە گرتیە. قوتابی، د مەیدان و گورەپانا بزاڤا رزگاریخوازیا کوردستانێ هەڤ چەپەرێ کۆردینی و دەستڤەئینانا مافێ چارەنڤێس بوویە. پێخەمەت گێرانا ئەرک و رۆلێ نەتەوەی و نیشتمانی، مل ب ملێ خەباتا چەکداری و رزگاری، سنگ و گیان کریە چەپەرێ بەرگریی ل بەردەم داگیرکەر و دۆژمنان. ژ بۆ ڤێ مەرەمێ ژی پێدڤیە بیر ل گۆتنا زێرینا سەرۆک بارزانی بکەین کو ئاماژە دایە پەسن و کاریگەریا رۆلێ گرنگێ قوتابیان کو د پەیڤیت: (رۆلێ مێژوویی قوتابیان رۆلەکێ زۆر گرنگ بوویە د بزاڤا رزگاری و نەتەوەیا کوردستانێ دا، ل رابردوو رۆلەکێ گرنگ بوویە و ل ئەڤرۆ و ئایندەیی ژی رۆلەکێ گرنگە). هەلبەت ئەڤ گۆتنا بهادارا سەرۆک بارزانی د کەتوارێ بوری و نهۆ دا، جهێ خوە د دەستهەلاتداری و بزاڤا سیاسی یا کوردستانێ دا کریە. بوویە پالدەرێ قوتابیان بۆ گشت شورەش و بزاڤەکێ کو قوتابی پێشەنگێ هەموو قۆناغەکێ بوویە. قوتابیان، ل ماوێ بوری تایبەت د کارنامەیا حکومەتا هەرێما کوردستانێ نەخاسمە ل سەر دەمێ ڤەژاندن و زێرین یێ سەرۆک نێچیرڤان بارزانی دەما سەرۆکێ حکومەتێ و درێژەپێدان ب کابینەیێن حکومەتێ. ئەگەر تێروانینەکێ بۆ وان قۆناغا بکەین کو گرنگیەکا مەزن و بنەرەت ب ڤێ توێژێ دایە. میناک: ژ رویێ پەروەردەیی و خواندنا بلند کو نهۆ ۱۹ زانکۆ یێن حکومی ل هەرێمێ هەنە، دگەل ۳ێ زانکۆ یێن پولی تەکنیک، ۱۹ زانکۆ یێن تایبەت ئەهلی هاتینە ڤەکرن، ۱٤ پەیمانگەهێن تایبەت هەنە. هەڤدەم دامەزراندنا سەنتەرەکێ گرنگ و ستراتیژی کو ل سالا ۲٠٠٥ ب پشتەڤانیا راستەوخۆیا سەرۆکێ حکومەتێ نێچیرڤان بارزانی، سەنتەرێ خامە بۆ گەهاندن و ڤەکۆلینێن قوتابیان هاتە دامەزراندن، ب هەول و پێنگاڤێن جدی یێن ئێکەتیا قوتابیێن کوردستانێ. کو نڤێسینگەهێن خۆە ل سەرجەم پارێزگەهێن هەرێمێ هەبوویە. د قاد خەبات و تێکۆشین و پێداویستیا قوتابیان دا خالەک و خواستەکا گرنگ و هەڤچەرخ و نوو، ژ بۆ قوتابیان. ئەگەر ب هزرەکا کوور و دروست هەلسەنگاندنێ بۆ بکەین کو سەرۆک نێچیرڤان بارزانی پلانەکا تایبەت خستیە د جێبەجێکرنێ دا بۆ تەخا قوتابیان، ب راستی رۆلەکێ هزرمەندانە و شێوەرمەدی گێرایە د بیاڤێ قوتابیان دا. چونکە ئاگەه ژ ناخ و کاریگەریا قوتابیان بۆ پێشئێخستنا کۆمەلگەهێ کوردستانێ هە بوویە. باشترین ئاماژەیا سەرۆک نێچیرڤان بارزانی بۆ تەخا قوتابیان دەما گوتی: ( رێكخراوێن جەماوەری قوتابیان، زامنێ بەردەوامی و نویبوونەوەنە). ئەڤ یەک سەدەم و شاهدێ کارێ سەرۆک نێچیرڤان بارزانی یە بۆ ڤێ پێکهاتەیا گرنگا جڤاکی. ب تایبەت ئەو چەند ژی دهێت پێش کو ئاسویێن گەشبینیی و ب هێز ل جەم قوتابیان دروست د بن.

بابه‌تێن ب ڤێ مژارێ ڤه‌ گرێدای