فەرمانا گرتنی بۆ راکان جبووری و 6 بەرپرسێن دی یێن کەرکووکێ ھات دەرخستن

فەرمانا گرتنی بۆ راکان جبووری و 6 بەرپرسێن دی یێن کەرکووکێ ھات دەرخستن

WAAR-دهۆك:

دەستەیا دەستپاکیا ئیراقێ ب سووچا بەرزەبوونا کوژمەیەکێ زێدە یێ پارەیێ یی کو بۆ ئاڤەدانکرنا و ڤەگەراندنا سەقامگیرییا دەڤەرێن رزگارکری یێن کەرکووکێ ھاتیە تەرخانکرن، فەرمانا گرتنێ بۆ پارێزگارێ سەپاندی و شەش بەرپرسێن دی یێن پارێزگەھا کەرکووکێ ھات دان.
د بەیاننامەیەکێ دا دەستەیا دەستپاکییا ئیراقێ ئاشکەرا کر: کوژمەیەکێ زێدە یێ پارەیێ ئەوێ بۆ ئاڤەدانکرن و سەقامگیرییا دەڤەرێن رزگارکری یێن کەرکووکێ ھاتیە تەرخانکرن بۆ مێھڤاندارییان ھاتییە ب ھەدەردان و ئەو چەندە بنپێکرنا رێنمایێن جێبجێکرنا بودجەیا گشتی یا سالا ٢٠١٨ێ یا ئیراقێ نە.
دا زانین ژی: لگۆر لێکۆلینێن دەستپێکی گوھدانا گوتنێن شاھدحالان دەستەیا دەستپاکیێ گەھشتییە وێ ئەنجامێ کو ئەو پارەیە بەروڤاژی رێنمایێن وەزارەتا دارایی ھاتینە خەرجکرن و سووچبارێ سەرەکی د دوسەیێ دا راکان جبووری پارێزگارێ نھا یێ سەپاندی یێ کەرکووکێ یە.
دەستەیا دەستپاکیێ دیار ژی کر: لگۆر ماددەیا سێسەد و چل یا یاسایا سزایێن ئیراقێ فەرمانا گرتنێ بۆ راکان جبووری و شەش بەرپرسێن دیتر یێن پارێزگەھێ دەرکەفتیە کو سکرتێرێ پارێزگا‌ری و رێڤەبەرێ نڤیسینگەھا و رێڤەبەرێن بەشێن ھووربینی ، ژمێریاریی و چەندین رێڤەبەرێن دیتر د ناڤا وان دانە.

بابه‌تێن ب ڤێ مژارێ ڤه‌ گرێدای